قايىرىمدىلىق اكتسياسىن وتكىزدى

بالالىقتىڭ گۇلداۋرەن كەزەڭى  «نۇر وتان» الماتى قالالىق فيليالىنىڭ  جانە «ناررۋlon» كومپانياسىنىڭ قولداۋىمەن جەتىم بالالار ءۇشىن قايىرىمدىلىق اكتسياسىن وتكىزدى. مەملەكەت باسشىسىنىڭ تاپسىرماسى  بويىنشا «نۇر وتان» پارتياسىنىڭ جانە «ناررۋlوn» كومپانياسىنىڭ وكىلدەرى جەتىم بالالار ۇيلەرىنىڭ تاربيەشىلەرى مەن بۇلدىرشىندەردى قىزىقتى ويىن الاڭدارىنا الىپ باردى. كەيدە ارمان بولىپ ەلەستەيتىن سان ءتۇرلى مەگالىق عاجايىپ ويىنشىقتار كۇنۇزاق بالالارعا تەگىننەن تەگىن قىزمەت ەتتى. اعا-اپالار مەن تاربيەشىلەر بالا­لارعا شارشاماي قىزمەت كورسەتتى. بۇل شارا قازاقستان رەسپۋبليكاسى تاۋەلسىز­دىگىنىڭ 25 جىلدىعىنا ارنالىپ ەدى. بالالىقتىڭ تەڭدەسسىز ويىندارعا تولى شات كۇلكىلى رياسىز كەزەڭى دە سول كۇنگە  ارنالعان ەكەن عوي. ەلباسىنا شاتتىق سىيلاعاندارى ءۇشىن العىستارىن ءبىر ساتكە مۇڭسىز جانارلارىمەن جەتكىزىپ جاتقانداي. باقىتتى ساتتەرىڭ ەشقاشان تاۋسىلماسىن, جۇزدەرىڭنەن قۋانىش پەن كۇلكى كەتپەسىن, تاۋەلسىزدىكتىڭ باقىت قۇشاعىنداعى بالعىندارى. شادىمان ويىن بالالارىن مەگانىڭ قيساپسىز مىڭ-ميلليون كوز قىزىقتىرار ويىنشىقتارى تولاسسىز تەربەتىپ جاتتى. ساپارباي پارمانقۇلوۆ, «ەگەمەن قازاقستان» الماتى