"استانا" قارجى ورتالىعى مەموراندۋمعا قول قويدى

بۇگىن «استانا» حالىقارالىق قارجى ورتالىعىنىڭ (احقو) باسقارۋشىسى قايرات كەلىمبەتوۆ پەن «قازاقستان قارجىگەرلەرى قاۋىمداستىعى» (ققق) كەڭەسىنىڭ توراعاسى ماعجان اۋەزوۆ استانانىڭ حالىقارالىق قارجى ورتالىعى رەتىندەگى دامۋىنا جانە قازاقستان رەسپۋبليكاسىنداعى قارجىلىق يندۋستريانىڭ جانە سوعان اسەر ەتەتىن كاسىبي قىزمەتتەردىڭ قالىپتاسۋىنا ىقپالداسۋ بويىنشا ىنتىماقتاستىق تۋرالى مەموراندۋمعا قول قويدى. قۇجات بويىنشا احقو مەن ققق قارجى ورتالىعىنىڭ دامۋى ءۇشىن بارلىق ستراتەگيالىق باعىتتار بويىنشا ىقپالداسۋ, قۇندى قاعازدار رىنوگىنىڭ جەرگىلىكتى جانە حالىقارالىق كاسىبي قاتىسۋشىلارىنا احقو-نىڭ ستراتەگيالىق دامۋى بويىنشا ويلارىمەن بولىسۋگە اقپاراتتىق قولداۋ كورسەتۋ سەكىلدى بىرىككەن ءىس-شارالار كورسەتىلگەن. العا قويىلعان ماقساتتاردى جۇزەگە اسىرۋ ءۇشىن تاراپتار ساراپشىلىق پىكىرلەرىمەن جانە تاجىربيە الماسۋعا, ونىڭ ىشىندە ساراپشىلىق قاۋىمداستىق وكىلدەرىن جانە قارجى يندۋسترياسىنىڭ وزگە دە سالالارىنىڭ وكىلدەرىن تارتۋ ارقىلى ءارتۇرلى فورۋمدار مەن سەمينارلار, كونفەرەنتسيالار وتكىزۋگە كەلىستى.