اجالدان امان قالدى

بەس جاستاعى نۇرسۇلۋ بازار­باەۆا كوپ قاباتتى ءۇيدىڭ بەسىنشى قاباتىنان بايقاۋسىزدا قۇلاپ ءتۇسىپ, وبلىستىق بالالار اۋرۋحانا­­س­ىنا جەدەل جەتكىزىلدى. دارىگەر­لەر­دىڭ دەر كەزىندە كورسەتكەن ءجار­دەمى ارقاسىندا قاتارعا تەز قوسىلدى. – جامباس سۇيەگى سىنىپ, ءبۇي­رەگى زاقىمدانعان. وتا جاسالعان­نان كەيىن بىرەر كۇندەي جانساقتاۋ ءبولى­مىندە جاتتى. قازىر جالپى پالا­تاعا اۋىس­تىرىلدى. جاعدايى جاقسى. وسىن­دا بىرەر ايداي ەمدە­لەدى. سو­سىن اتا-انالارىمەن, تۋ­عان-تۋىس­تارىمەن قاۋىشادى, – دەيدى تراۆ­ماتولوگيا جانە ورتو­پەديا ءبولىم­شەسىنىڭ مەڭ­گەرۋ­شىسى امانگەلدى مۇحامەدجانوۆ. جازىم دەگەندى قويساڭشى! اكەسى­نىڭ “اۋىلعا اپارامىن, مەن قازىر كەلەمىن” دەگەن سوزىنە ەسى شىعا قۋان­عان بالدىرعان ءاپ-ساتتە جينا­لىپ, تاعاتسىزدانا كۇتىپ وتىرادى. جەڭىل كولىكتىڭ گۇرىلىن ەستىگەننەن كەيىن تەرەزەنى اشىپ, تومەن قاراي بەرگەندە قالاي قۇلاپ تۇسكەنىن ءبىل­مەي قالادى. قىستىق كيىم مەن كۇر­تىك قار ونى اجال اۋزىنان امان الىپ قالدى. ءومىر ەسقالي, پەتروپاۆل قالاسى. ەسىرتكى تاسىمالداۋشىلار ۇستالدى قازاقستاننىڭ ۇلتتىق قاۋىپسىز­دىك كوميتەتى قىرعىزستان ءىىم ءبىر­لەسىپ ورتالىق ازيا وڭىرلىك اق­پارات­تىق-ۇيلەستىرۋ ورتالىعىنىڭ ءۇي­لەستىرۋىمەن ەسىرتكىلەردىڭ ءىرى پارتيا­سىن تاجىك­ستاننان قىرعىزستان ارقىلى قازاق­­ستانعا تاسىمالداۋمەن اينالىسقان ترانسۇلتتىق ەسىرتكى توبىنىڭ قىل­مىستىق ءىس-ارەكەتىنىڭ جولىن كەستى. تابىستى جۇرگىزىلگەن وپەراتسيا­نىڭ ناتيجەسىندە 9 قاڭتاردا كوك­شەتاۋ قالاسىندا ەسىرتكى زاتتارىن الۋ ۇستىندە ەسىرتكى توبىنىڭ ءۇش مۇشەسى ۇستالدى. 15 كيلو گاشيش جانە 2 كيلو گەروين تاركىلەندى. وسى حالىقارالىق وپەراتسيانى وتكىزۋ بارىسىندا اتالعان قۇرى­لىمدار جوعارى دەڭگەيلى ءوزارا ارە­كەتتەستىكتى تانىتتى, دەپ حابارلادى قر ۇقك ءباسپاسوز قىزمەتى.