سەنات مەملەكەتتىك قىزمەت تۋرالى زاڭدى ماقۇلدادى

بۇگىن قر پارلامەنتى سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ماقۇلدادى, دەپ حابارلايدى قازاقپارات. «بىرىنشىدەن, جاڭا زاڭ بويىنشا مەملەكەتتىك ورگاندا لاۋازىم بوساسا,ەڭ الدىمەن سول مەمورگاننىڭ اراسىندا ىرىكتەۋ جۇرگىزىلەدى. ەگەر ولاردىڭ ىشىنەن ۇمىتكەر بولماعان جاعدايدا, ىرىكتەۋ بارلىق ورگان قىزمەتكەرلەرى اراسىندا جالعاستىرىلادى. وسى كەزەڭدە دە جەڭىمپاز انىقتالماسا, وندا جالپى كونكۋرس جاريالانادى»,-دەدى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى قايرات قوجامجاروۆ زاڭ جوباسى بويىنشا بايانداما جاساۋ بارىسىندا. ونىڭ سوزىنە قاراعاندا, جىل باسىنان قولدانىسقا ەنگەن زاڭدى تالداۋ كورسەتكەندەي, بوس لاۋازىمدارعا ۇمىتكەرلەردى ىرىكتەۋتىڭ كونكۋرستارى 16-دان 52 جۇمىس كۇنىنە دەيىن ۋاقىت الۋدا. بۇل جاعداي ءوز كەزەگىندە كادر تاپشىلىعىنا الىپ كەلۋدە, اسىرەسە, اۋىلدىق جانە اۋداندىق دەڭگەيلەردە كادر جەتىسپەۋشىلىگى انىق بايقالۋدا. اسىرەسە, سيرەك  كەزدەسەتىن ماماندىقتارعا قىزمەتكە تۇرۋ جەڭىلدەتىلمەك. وسى رەتتە ەكىنشى ىشكى جانە جالپى كونكۋرستاردى بىرىكتىرۋ ولاردى تەزىرەك جابۋعا مۇمكىندىك بەرەدى. بوس ورىندار تولتىرۋ ماسەلەسىن تەزدەتۋمەن قاتار, مەريتوكراتيا قاعيدالارىنىڭ ساقتالۋى باقىلاۋدا بولادى. سول سەبەپتى ەكىنشى ىشكى كونكۋرستار وتكىزىلمەيتىن جاعدايلار زاڭعا تاۋەلدى قۇقىقتىق اكتىلەرىندە انىقتالاتىن بولادى. ولار سيرەك كەزدەسەتىن ماماندىقتار جانە باسشىلىق ەمەس لاۋازىمدار. كەرىسىنشە, بارلىق باسشىلىق لاۋازىمدارعا ەكىنشى كونكۋرستى وتكىزۋ مىندەتتى تۇردە ساقتالادى. بۇنداي ءتاسىل تومەننەن جوعارىعى ءوسۋدى, ياعني مانساپتىق قاعيدانىڭ تالاپتارىن ورىنداۋدى تولىق قامتاماسىز ەتەدى. بۇدان بولەك ول «ا» كورپۋسى قىزمەتكەرلەرىنىڭ «ب» كورپۋسى لاۋازىمدارىنا تاعايىندالۋ ءتارتىبى جەڭىلدەتىلەتىنىن اڭعارتتى.  قازىردە «ا» كورپۋسىنىڭ قىزمەتكەرلەرىن تومەنگى ورىنعا تاعايىنداۋ تەك كادر ساياساتى جونىندەگى ۇلتتىق كوميسسيانىڭ شەشىمىمەن عانا جۇزەگە اسىرىلادى. زاڭ جوباسىمەن مۇنداي قۇقىقتى اگەنتتىككە بەرۋ ۇسىنىلىپ وتىر.