«قازاتومونەركاسىپ» اق 2016 جىلعى تازا تابىسى 2,5 ەسەگە ۇلعايدى, دەدى اسقار جۇماعاليەۆ ترانسفورماتسيالاۋ باعدارلاماسىن ىسكە اسىرۋدىڭ قورىتىندىسىنا ارنالعان وتىرىستا.
«كومپانيا ءۇشىن بۇل ترانسفورماتسيا اياسىندا وزگەرۋدىڭ العاشقى جىلى. الايدا وسى قىسقا ۋاقىت ىشىندە اتقارىلعان بىرقاتار جوبالار وڭ وندىرىستىك-قارجىلىق كورسەتكىشتەرىمىزدى ساقتاپ قالۋمەن قاتار, ولاردىڭ وسۋىنە دە مۇمكىندىك بەردى. ناقتى ايتقاندا, بۇگىندە ءبىز كومپانيانىڭ تازا تابىسىن بىلتىرمەن سالىستىرعاندا 2,5 ەسەگە ۇلعايتۋعا قول جەتكىزدىك», - دەدى اسقار جۇماعاليەۆ.
2016 جىلى قازاتومونەركاسىپتە بيزنەس-ۇدەرىستەر قايتا قارالىپ, جاڭا ۇيىمدىق قۇرىلىم بەكىتىلدى, ءوندىرىستى ءارتاراپتاندىرۋ جانە اۆتوماتتاندىرۋ, بەيىندى ەمەس اكتيۆتەردى جەكەشەلەندىرۋ ۇدەرىستەرى ارتتى, سونداي-اق سەرىكتەستەرمەن ءوزارا ءتيىمدى ءىس-ارەكەتتەر كۇشەيتىلدى.
اتاپ ايتقاندا, قازاتومونەركاسىپ قىتايلىق سەرىكتەستەرمەن بىرگە جبق شىعاراتىن زاۋىت قۇرىلىسى جوباسىن ىسكە اسىرۋعا كىرىستى. كاسىپورىن قىتايلىق اەس-تەرگە ارناپ جىلىنا 200 توننا يادرولىق وتىن وندىرەتىن بولادى.
سونىمەن قاتار, 2016 جىلى شەتەلدىك سەرىكتەستەرمەن ماڭىزدى كەلىسىمدەرگە قول قويىلدى. قازاتومونەركاسىپ پەن «سامەسو» كومپانياسى «ينكاي» بك» جشس قايتا قۇرىلىمداۋدى جانە 2018 جىلى بىرىككەن كاسىپورىنداعى قازاتومونەركاسىپتىڭ ۇلەسىن 40%-دان 60%-عا ۇلعايتۋعا, «روساتوممەن» قازاقستان-رەسەي ىنتىماقتاستىعىنىڭ كەشەندى باعدارلاماسىن ورىنداۋ جانە «ۋران بايىتۋ ورتالىعى» جاق-ن زيانسىزدىققا شىعارۋعا كەلىستى. CGNPC كورپوراتسياسىمەن بولعان كەلىسىم 2024 جىلعا دەيىن قىتايلىق اەس-تەر ءۇشىن قازاقستاندىق وتىن تابلەتكالارىن ساتىپ الۋدى كوزدەيدى.
پيلوتتىق جوبا اياسىندا قازاتومونەركاسىپتىڭ ءوندىرۋشى كاسىپورنى «قازاتومونەركاسىپ-ساۋران» جشس-دە «ساندى كەنىش» جۇيەسى ىسكە قوسىلدى. تاجىريبە كورسەتكەندەي, ونى ەنگىزۋ ارقاسىندا جابدىقتاردى دياگنوستيكالاۋ ۋاقىتى 14-تەن 2 كۇنگە دەيىن قىسقاردى, سونداي-اق ەلەكتر ەنەرگياسىن تۇتىنۋ, ماتەريالدار مەن راەگەنتتەردى پايدالانۋ 10% ازايدى, ۇڭعىمانىڭ تومەندەتىلگەن ۋاقىتى 3 ەسەگە كەمىدى. 2017 جىلى بۇل جۇيەنى ەنگىزۋ كومپانيانىڭ باسقا دا ەنشىلەس كاسىپورىندارىندا قولعا الىنادى.
ايتا كەتەرلىك ءجايت, ءوندىرىستىڭ وزىندىك قۇنىن قىسقارتۋ جونىندەگى كەشەندى ءىس-شارالار شەڭبەرىندە 2016 جىل قورىتىندىسى بويىنشا ەكونوميكالىق تيىمدىلىك 13 ملرد تەڭگەنى قۇرادى.
سونىمەن بىرگە, قازاتومونەركاسىپ «TH Kazakatom AG» ترەيدينگ كومپانياسىن تىركەۋ ۇدەرىسىن اياقتادى. كليەنتتەرگە جاقىندىق, مامىلەلەر شارتتارىن انىقتاۋ كەزىندەگى ساتۋلاردىڭ يكەمدىلىگى جانە نارىقتىڭ وزگەرۋىنە شۇعىل ارەكەت ەتۋ كومپانيانىڭ ماركەتينگ قىزمەتىن ەداۋىر كۇشەيتۋگە مۇمكىندىك بەرەدى.
«قازاتومونەركاسىپ» ۇاك» اق ترانسفورماتسيا باعدارلاماسىنا ورتالىق اپپاراتپەن قاتار 12 ەتۇ تارتىلعان, بۇل - حولدينگتىڭ 19 مىڭنان استام قىزمەتكەرى.
