وعان ستۋدەنتتەر جانە كوللەدج بەن مەكتەپ وقۋشىلارى قاتىستى. اتالعان جوبا ەلباسىنىڭ: بولاشاققا باعدار. رۋحاني جاڭعىرۋ اتتى ماقالاسىنا وزەك بولعان باستى ماسەلەلەردىڭ ءبىرى – «تۋعان جەر» باعدارلاماسىن جۇزەگە اسىرۋدى كوزدەيدى. وسى ورايدا جاستارعا پاتريوتتىق تاربيە بەرۋگە, ءتول تاريحىمىزدى تۇگەندەۋگە جانە ولكەتانۋ ىسىنە كەڭ تىنىس بەرىلمەك. سونداي-اق جوبا تاريحي تۇلعالار مەن مەملەكەتىمىزدىڭ قالىپتاسۋىنا سۇبەلى ۇلەس قوسا بىلگەن ازاماتتاردىڭ ەسىمدەرىن اسقاقتاتۋدى مۇرات تۇتادى.
«جوبا اياسىندا جىل بويى جالعاساتىن ءىس-شارالاردىڭ مازمۇنى كەڭ, ءتۇرى سانالۋان. سونىڭ ىشىندە ولكەدەگى مادەني جانە تاريحي ەسكەرتكىشتەردىڭ ءمان-جايىن زەرتتەۋگە جانە ولكەنىڭ ەرەكشە مۇيىستەرى مەن قويناۋلارىنىڭ سىرىن اشۋعا باسا نازار اۋدارىلىپ وتىر», – دەدى وبلىستىق جاستار رەسۋرستىق ورتالىعىنىڭ جەتەكشىسى ارداق بەكنيازوۆا.
بۇل رەتتە جوباعا قاتىسۋشىلار وبلىستاعى مادەني-تاريحي مۇرالاردى قورعاۋ جونىندەگى مەملەكەتتىك ينسپەكتسيا ماماندارىمەن تىعىز بايلانىستا بولماق. جوبا تۇساۋىن ء«اليا-مانشۇك –قوس شىنار» قايىرىمدىلىق قورىنىڭ توراعاسى عالىمجان بايدەربەس كەستى.
تەمىر قۇسايىن,
«ەگەمەن قازاقستان»
اقتوبە
