بۇگىنگى تاڭدا قازاق ءتىلىنىڭ لاتىن الىپبيىنە كەزەڭ-كەزەڭمەن كوشۋى, «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق», «تۋعان جەر», «قازاقستاننىڭ كيەلى جەرلەرىنىڭ گەوگرافياسى», «جاھانداعى زاماناۋي قازاقستاندىق مادەنيەت», «قازاقستانداعى 100 جاڭا ەسىم» جوبالارى بويىنشا التى باعىتتا ارناۋلى توپ جۇمىس ىستەۋدە. وعان قوسا «تۋعان جەر» باعدارلاماسىن جۇزەگە اسىرۋ ماقساتىندا ارناۋلى توپ تا قۇرىلعان. نەگىزى «تۋعان جەر» باعدارلاماسىنىڭ اياسىندا «مەنىڭ جەتىسۋىم» اتتى جەرلەس كاسىپكەرلەردىڭ وبلىستىق فورۋمى, «جەتىسۋدىڭ جەتى كەرەمەتى» تاڭداۋلى تاريحي-مادەني, ولكەتانۋ ەكسپەديتسياسى, تۇركىتىلدەس مەملەكەتتەر وكىلدەرىنىڭ قاتىسۋىمەن «ۇلتتىق كود جانە لاتىن ءالىپبيى» تاقىرىبىندا حالىقارالىق عىلىمي تاجىريبەلىك كونفەرەنتسياسى, «جەتىسۋدىڭ جاستارعا تارتۋى», ءبىلىم بەرۋ ۇيىمدارىنا فاكۋلتاتيۆ ەسەبىنەن «تۋعان ولكە تاريحى جانە ولكەتانۋ» ءپانىن ەنگىزۋ بويىنشا جۇمىستاردى جانداندىرۋ, «جەتىسۋدىڭ ادەبيەت ايدىنى» اتتى وبلىستىڭ اقىن-جازۋشىلارمەن كەزدەسۋى جانە باسقا دا شارالار قاراستىرىلعان.
جيىن قورىتىندىسىندا وبلىس اكىمى اماندىق باتالوۆ:
– بولاشاق بۇگىننەن باستالادى دەگەندەي, مەملەكەت باسشىسى ءبىزدىڭ الدىمىزعا كەلەشەككە باعىتتالعان ۇلكەن مىندەتتەر جۇكتەپ وتىر. «بولاشاققا باعدار: رۋحاني جاڭعىرۋ» اتتى ماقالاسى سونىڭ ايقىن كورىنىسى. بۇگىنگى كۇنى باعدارلامالىق ماقالانىڭ نەگىزگى شارتتارىنا سۇيەنە وتىرىپ, ناتيجەگە ماقساتتى دا ساپالى جۇمىس ىستەۋىمىز قاجەت. وسىعان وراي وڭىرلىك كوميسسيانىڭ جانە جۇمىس توپتارىنىڭ مۇشەلەرىنە, اۋدان, قالا اكىمدەرى مەن باسقارما, دەپارتامەنت باسشىلارىنا جوسپارلانعان ءىس-شارالاردى ساپالى ءارى ۋاقىتىندا ورىنداۋدى تاپسىرامىن, – دەدى.
نۇربول الدىباەۆ,
«ەگەمەن قازاقستان»
الماتى وبلىسى
