اتالعان سەمينار-پراكتيكۋمنىڭ اياسىندا كوللەدج قابىرعاسىندا بىرقاتار تاعىلىمدى ءىس-شارالار ۇيىمداستىرىلدى. قوناقتار «الاش» ەلەكتروندى كىتاپحاناسىنىڭ جۇمىسىمەن تانىسىپ, «الاش ارىستارى: سوڭعى ءسوز, سوڭعى سۋرەت» اتتى فوتوگالەرەيانى تاماشالادى. احمەت بايتۇرسىنوۆ باستاعان بىرنەشە الاش قايراتكەرلەرىنىڭ اتىلار الدىنداعى سوڭعى سۋرەتتەرى ىلىنگەن فوتوگالەرەيانى كوپشىلىكپەن بىرگە ارالاپ كورگەن بەلگىلى عالىم اراپ ەسپەنبەتوۆ تولقىپ, تەبىرەنە سويلەدى.
«سەمەيدەگى الاش قايراتكەرلەرىنە قاتىسى بار تاريحي عيماراتتار مەن ەسكەرتكىشتەردىڭ كوپشىلىگىن ساقتاي المادىق. ابايدىڭ العاشقى مۋزەيى تۇرعان عيمارات جوق. مۇحتار اۋەزوۆ تۇسكەن عيمارات جوق. «قارالى سۇلۋداعى» كەيىپكەر, ەكىنشى قاباتتان قاراپ تۇراتىن ادەمى قىزدىڭ ءۇيى جوق. قالاداعى الاشتىڭ الىپتارىنىڭ ءىزى قالعان, قولدارىنىڭ تابى قالعان, ءا.مارعۇلان, ق.ساتباەۆ, ج.ايماۋىتوۆ, ت.جومارتباەۆ, ب.سارسەنوۆ, ق.نۇرمۇحامەتوۆ سىندى تۇلعالار ءبىلىم العان, قىزمەت ەتكەن, بۇزىلماي ساقتالعان ساناۋلى عيماراتتىڭ ءبىرى – وسى. پەداگوگيكالىق كوللەدجدىڭ جاساپ جاتقان جۇمىستارى جاستاردىڭ تاربيەسىنە زور كومەگىن تيگىزەدى. «سوڭعى ءسوز, سوڭعى سۋرەت» فوتوگالەرەياسىنا كەلسەك, ارينە, ءبىر قاراعانعا وڭاي. بىراق ولار سوڭعى ءسوزىن ايتىپ, سوڭعى سۋرەتتەرى تۇسىرىلگەنىنشە قانشا ازاپتى باستان كەشىردى. «ساكەن سەيفۋلليندى تۇرمەدە «مۇرتىڭ قانداي سۇلۋ ەدى» دەپ ءبىر-بىرلەپ ج ۇلىپ, ء«تىسىڭ قانداي ادەمى ەدى» دەپ ءبىر-بىرلەپ قاعىپ تاستاپ وتىرعان» دەپ ايتىپ وتىرۋشى ەدى قايىم ۇستازىمىز. سوندىقتان الاشتى تانۋ, الاش ارىستارىن ارداقتاۋ باعىتىنداعى جۇمىستار توقتالماۋى ءتيىس», - دەدى عالىم.
سونىمەن قاتار سەمينار-پراكتيكۋم اياسىندا اسان وماروۆ, قۇسمىليا نۇرقاسىم, تۇردىقۇل شاڭباي, مۇراتبەك كەنەمولدين سىندى شاھارداعى زيالى قاۋىم وكىلدەرى استاناداعى ەۋرازيا ۇلتتىق ۋنيۆەرسيتەتىنىڭ قىزمەتكەرى, الاشتانۋشى ەرلان سايلاۋبايمەن ونلاين رەجيمدە پىكىر الماسىپ, الاش تاقىرىبىنداعى ويلارىن ورتاعا سالدى.
كوللەدج ديرەكتورى شاعانگۇل جاناەۆا سەمەيدەگى الاش تاقىرىبىن زەرتتەپ جۇرگەن قوس عالىم - م.قوزىباەۆ اتىنداعى تاريح جانە ساياسي-الەۋمەتتىك زەرتتەۋلەر عىلىمي ورتالىعىنىڭ ديرەكتورى مۇحتاربەك كارىموۆ پەن «الاشتانۋ» ورتالىعىنىڭ ديرەكتورى تۇردىقۇل شاڭبايعا «مۇحتار اۋەزوۆ اتىنداعى توسبەلگىنى» سالتاناتتى تۇردە تابىس ەتتى. شارا سوڭىندا الاش قايراتكەرلەرىنە ارناپ قۇران قاتىم ءتۇسىرىلىپ, اس بەرىلدى.
ازامات قاسىم,
«ەگەمەن قازاقستان»
شىعىس قازاقستان وبلىسى.
