"بۇقارا.كز" سايتىنىڭ حابارلاۋىنشا, بۇل كۇنى سوڭىنا ەلۋگە تارتا ءان قالدىرعان سازگەردىڭ تۋىندىلارىن ەلىمىزدىڭ انشىلەرى عانا ەمەس, قىرعىزستان, رەسەي مەن موڭعوليادان ارنايى كەلگەن ونەرپازدار دا اۋەلەتە شىرقاپ, ورالحانىن ساعىنعان جۇرتتىڭ قۇرمەتىنە بولەندى.
«ورالحان كوشەروۆ تەك شىعىستىڭ عانا ەمەس, كۇللى قازاقتىڭ ماقتانىشى. بۇل فەستيۆالدىڭ باستى ماقساتى – ورالحاننىڭ تاربيەگە تولى سازدى اندەرىمەن جۇرتشىلىقتى سۋسىنداتىپ, جاس ۇرپاقتى ەلدى, جەردى سۇيۋگە باۋلۋ. سوندىقتان دا بۇگىنگى شارانىڭ رۋحاني-مادەني ءمانى وتە زور», - دەدى ءوزىنىڭ قۇتتىقتاۋ سوزىندە كۇرشىم اۋدانىنىڭ اكىمى سەيسەنعازى چۋكاەۆ.
كۇرشىم اۋدانىندا تۇڭعىش رەت ۇيىمداستىرىلىپ وتىرعان ءان جارمەڭكەسىندە سازگەردىڭ قىرىققا تارتا اندەرى شىرقالدى. حالىقارالىق فەستيۆالگە الاتاۋ اسىپ كەلگەن قىرعىز اعايىندارىمىز ونەر بايگەسىنىڭ جوعارى دەڭگەيدە وتكەنىن, قازاق حالقىنىڭ قوناقجاي پەيىلىنە ءتانتى بولعاندارىن ايتتى. ء«بىز ورالحان كوشەروۆتىڭ «دوستارعا», «ساعىنباۋ سەنى مۇمكىن بە» دەگەن اندەرىن ورىندادىق. بۇل فەستيۆال ارى قاراي دا جالعاسىن تابادى دەگەن ۇمىتتەمىز» , – دەدى قىرعىز ونەرپازى راسۋل اسانعازيەۆ.
ازامات قاسىم,
«ەگەمەن قازاقستان»
شىعىس قازاقستان وبلىسى
سۋرەتتى تۇسىرگەن
تالعاتجان مۇحاماديەۆ
