بۇل تۋرالى بوكسشىنىڭ PR مەنەدجەرى بەرىك سۇلتان ءوز جەلى پاراقشاسىندا جازدى.
«بۇگىن Delray beach boxing زالىندا قانات يسلام مەن جانقوش تۇراروۆ جەرگىلىكتى باق وكىلدەرىنە سۇقبات بەرىپ, جانكۇيەرلەرمەن جۇزدەستى. 27 مامىر كۇنى بوكا-راتوندا بولاتىن جەكپە-جەكتىڭ العاشقى ءباسپاسوز ءماسليحاتىندا بوكسشىلارىمىز جەكپە-جەككە تاس ءتۇيىن دايىن ەكەندەرىن ايتتى. بۇيىرتسا, 26 مامىر سالماق ولشەۋ ءراسىمى, 27 مامىر جەكپە-جەك. بۇل بوكس كەشىن "قازاقستان" ۇلتتىق ارناسى مەن "قازسپورت" تىكەلەي ەفيردە كورسەتەدى", - دەپ جازعان قانات يسلامنىڭ PR مەنەدجەرى ب. سۇلتان.
سونداي-اق ول: «مايك تايسوننىڭ جاتتىقتىرۋشىسى بولعان بەلگىلى باپكەر Stacey McKinley بۇگىنگى ءباسپاسوز ماسليحاتىنا ارنايى قاتىسىپ, قانات يسلامنىڭ جۇدىرىقتاسۋ ءتاسىلىن ۇناتاتىنىن ايتىپ, قارسىلاسىن تاعى دا مەرزىمىنەن بۇرىن ۇتاتىنىنا سەنەمىن دەپ, جەكپە-جەگىندە جەڭىس تىلەدى!» دەپ جازدى ءوزىنىڭ فب الەۋمەتتىك جەلى پاراقشاسىنا.
بۇل ءىرى بوكس كەشىندە ورتا سالماقتا WBO NABA جانە WBA Intercontinental تۇجىرىمى بويىنشا بەلبەۋلەر ساراپقا سالىنادى.
ۇلاربەك نۇرعالىم ۇلى,
«ەگەمەن قازاقستان»
