سۋرەتشىلىك شىعارماشىلىعىن وتكەن عاسىردىڭ ورتاسىنان باستاعان نيكولاي ۆاسيلەۆيچ 900 سۋرەت جانە 800-دەن اسا كەسكىندەمە تۋىندىسىن سالعان ەكەن. ول ءوز شىعارمالارىنىڭ ىشىندە «مەنىڭ جەرلەستەرىم» اتتى شىعارماسىن ەرەكشە اتايدى. ول وندا حالقىمىزدىڭ رۋحاني تىرەگىنە, ماقتانىشىنا اينالعان قوستاناي توپىراعىنىڭ پەرزەنتتەرىن كورسەتەدى.
كورمەنىڭ اشىلۋ سالتاناتىندا وبلىستىق تاريحي-ولكەتانۋ مۋزەيىنىڭ ديرەكتورى ءۇمىت اكىمباەۆا سۋرەتشىنى مەرەيتويىمەن قۇتتىقتاعان وبلىس اك ءىمى ارحيمەد مۇحامبەتوۆتىڭ حاتىن وقىپ بەردى. سۋرەتشى ۆاديم بىكوۆ رەسپۋبليكا سۋرەتشىلەر وداعى وبلىستىق فيليالىنىڭ اتىنان قۇتتىقتاۋ حات تاپسىردى. مەرەكەلىك كورمەگە كەلگەندەر جىلى لەبىزىن اياعان جوق.
ء«بىز ءبىر ءبىرىمىزدى 60 جىلدان ارتىق بىلەمىز.كوركەمسۋرەت ستۋدياسىنا كەلگەندە ماعان ۇستازدارىم «ەڭ تالانتتى وقۋشىنىڭ تۋىندىسى» دەپ, ونىڭ شىعارمالارىن كورسەتكەن ەدى. ەڭبەكقور, تالانتتى سۋرەتشى» دەدى بەلگىلى سۋرەتشى گەرگي سوكوۆ.
«قاتار ءجۇرىپ, مەن نيكولايدىڭ گرافيكالىق سۋرەتتەرىن كورمەپپىن, بۇگىن كورىپ تاڭقالدىم» دەدى بەلگىلى زەرگەر لەلونيد يگوشين. كورمەگە كەلگەندەردىڭ بارلىعى دا سۋرەتشى تۋىندىلارىنىڭ الۋان جانردا سالىنعانىنا تاڭدانىستارىن جاسىرا المادى.
سۋرەتشى كورمەسىنىڭ اشىلۋ سالتاناتىنا كەلىپ, وزىنە جىلى لەبىز بىلدىرگەن دوستارىنا, اىرىپتەستەرىنە, كورەرمەندەرىنە العىس ايتتى.
«كارىلىك ءوز دەگەنىن ىستەيدى. كوز ناشارلاپ كەلەدى, بىراق قول-اياعىم ءالى تىڭ سەكىلدى. دەمەك, ءالى دە قىلقالامدى قولدان تۇسىرمەي, جاقسى شىعارمالار جازامىن دەگەن ءۇمىتىم بار» دەدى نيكولاي ۆاچسيلۆيچ.
ء نازيرا جارىمبەتوۆا,
«ەگەمەن قازاقستان»,
قوستاناي
سۋرەتتەر ng.kz سايتىنان الىندى
