جۋرناليستەر ليگاسىنىڭ قىسقى ماۋسىمىندا بارلىعى 11 كوماندا باق سىناعان بولسا, بۇل جولى 14 كوماندا ءوتىنىش ءبىلدىردى. ولار: «حابار», «قر اكم», «ەگەمەن قازاقستان», «قازاق راديوسى», «جەڭىس», «Sports 1959», «حابار-24», «قازسپورت», «قازمەديا», «قازاقستان», «ەل ارنا», «Dixinews.kz», «ەلوردا-اقپارات», «استانا تك».
جارىستىڭ اشىلۋ سالتاناتى بۇگىن 18:00-دە ءوتتى. وعان «ەگەمەن قازاقستان» باسىلىمىنىڭ توراعاسى دارحان قىدىرالى, استانا قالالىق فۋتبول فەدەراتسياسىنىڭ باس مەنەدجەرى عالىمجان كەنجالينوۆ قاتىستى.
«وسىنداي كەرەمەت شارانى ۇيىمداستىرعان جاندارعا العىسىمىزدى بىلدىرەمىز. فۋتبول جارىسى ارىپتەستەرىمىزدىڭ جاسىل الاڭدا باس قوسىپ, ءبىر-بىرىمەن جاقىنداي تۇسۋىنە سەپتىگىن تيگىزەدى دەپ سەنەمىز. جۋرناليستەر قاي جاعىنان بولسىن مىقتى. جازعى ماۋسىم ءبىزدى كەزەكتى رەت شىڭداي تۇسەدى. بارشاڭىزعا ساتتىلىك تىلەيمىن! الاڭداعى جارىسىمىز ءبىزدى تەك قانا بىرلىككە باستاي بەرسىن!» دەدى دارحان قىدىرالى.
جازعى ماۋسىمنىڭ تاعى ءبىر ەرەكشەلىگى – ليگامەن قاتار, باق كۋبوگى دا قوسىلدى. بۇل ويىندار 27 مامىردان باستالادى. سونىمەن قاتار, ليگانىڭ ءار تۋرىنداعى ۇزدىك ويىنشى انىقتالىپ, وعان «استانا» فۋتبول كلۋبىنىڭ ءبىر جەيدەشەسى سىيعا بەرىلەدى.
