قارۋ اينالىمىنا باقىلاۋ جاساۋ ىسىنە دە وسىنداي كوزقاراس ءتان. ىشكى كوشى – قون ءتارتىبىن رەتتەۋدە دە ىرگەلى قادامدار جاسالدى. وسى ارادا اتالعان زاڭ كەڭ اۋقىمدى قوعامدىق تالقىلاۋعا يە بولعانىن ايتۋ پارىز.
كوشپەلى وتىرىستا بايانداما جاساعان قر ۇلتتىق قاۋىپسىزدىك كوميتەتى توراعاسىنىڭ ورىنباسارى, تەرروريزمگە قارسى ورتالىق باسشىسىنىڭ ورىنباسارى نۇرعالي بىلىسبەكوۆ ەلىمىزدە ەكسترەميزمگە قارسى كۇرەستىڭ الدىن الۋ شارالارىن رەتتەيتىن 2017-2020جىلدارعا ارنالعان تۇجىرىمدامانىڭ ەرەكشەلىگىنە توقتالدى. بۇل قاتەردى تەك ءبىر عانا كۇشتىك قۇرىلىمدار ارقىلى اۋىزدىقتاۋ مۇمكىن ەمەس. ەڭ الدىمەن تەرروريزمگە قارسى ءىس-شارالارعا الەۋمەتتىك, تاربيەلىك جانە ادامگەرشىلىك سيپات بەرىلسە, بۇل ءىس سوعۇرلىم ناتيجەلى بولماق. بۇل ماسەلەدە تەرروريزمگە قارسى وڭىرلىك كوميسسيالارعا ۇلكەن جاۋاپكەرشىلىك جۇكتەلەدى دەي كەلە ن.د.بىلىسبەكوۆ اقتوبەدەگى وسىنداي كوميسسيا قىزمەتىن ۇلگى رەتىندە العا تارتتى.
كوشپەلى وتىرىستا قر پارلامەنتى ءماجىلىسىنىڭ توراعاسى نۇرلان نىعماتۋللين قورىتىندىلاپ, وعان قاتىسقانداردىڭ سىندارلى وي-پىكىرلەرى مەن ۇسىنىستارى ءۇشىن ريزاشىلىعىن جەتكىزدى. ءارى تالقىلانعان ماسەلەلەردىڭ ءدىني ەكسترەميزم مەن تەرروريزمنىڭ الدىن الۋ شارالارىن كۇشەيتۋگە قاتىستى جاڭا زاڭ جوباسىن ازىرلەۋگە نەگىز بولاتىنىن اتاپ كورسەتتى.
سپيكەردىڭ مالىمدەۋىنشە بۇعان بارلىق قازاقستاندىق قوعام مۇشەلەرىنىڭ رەسۋرستارى جۇمىلدىرىلماق.
نۇرلان زايدوللا ۇلىنىڭ تۇيىندەۋىنشە بۇل زاڭداردىڭ ازىرلەنۋى مەن قابىلدانۋى ەلىمىزدەگى تۇراقتىلىق پەن قاۋىپسىزدىكتىڭ جانە بەيبىتشىلىك پەن كەلىسىمنىڭ ودان ءارى نىعايۋىنا قىزمەت جاساماق.
تەمىر قۇسايىن,
«ەگەمەن قازاقستان»
