ماقسات – كاسىپكەرلەردى كووپەراتيۆ قۇرۋ جولدارىمەن تانىستىرا وتىرىپ, ولارعا بولىنەتىن سۋبسيديا جانە جەڭىلدەتىلگەن نەسيەلەر تۋرالى مالىمەت بەرۋ. سونىمەن قاتار, كووپەراتيۆ قۇرۋعا نيەتتىلەرگە قولداۋ كورسەتە وتىرىپ, ۇلگى رەتىندە ءار اۋىلدا ءبىر پيلوتتىق جوبانى جۇزەگە اسىرۋ.
قاتىسۋشىلار – اۋدان اكىمدىگى, جەرگىلىكتى كاسىپكەرلەرگە قىزمەت كورسەتۋ ورتالىقتارى جانە قارجى ينستيتۋتتارىنىڭ وكىلدەرى, كاسىپكەرلەر.
جالپى, قۇرىلعان جۇمىسشى توپ ارقىلى 14 جينالىس وتكىزىلىپ, ءتۇسىندىرۋ جۇمىستارى بارىسىندا 487 كاسىپكەر قامتىلدى. ولاردىڭ ىشىنەن 22 كاسىپكەر كووپەراتيۆ قۇرۋ ءۇشىن نەسيە الۋعا نيەت ءبىلدىردى.
شارا بارىسىندا «وڭتۇستىك» ايو وكىلى ا.ساۋرانباەۆ كووپەراتيۆتەردى نەسيەلەندىرۋ جəنە ولاردى قۇرۋ جولدارىنىڭ تيىمدىلىگى تۋرالى ارنايى دايىنداعان سلايد بويىنشا ءتۇسىندىرۋ جۇمىستارىن جۇرگىزدى.
جەرگىلىكتى «كəسىپكەرلىككە قىزمەت كورسەتۋ ورتالىعى» جشس, «اۋىل شارۋاشىلىعىن قارجىلاي قولداۋ قورى» اق-نىڭ وكىلدەرى سەلولىق تۇتىنۋشىلار كووپەراتيۆى مەن اۋىل شارۋاشىلىعى كووپەراتيۆىنىڭ ايىرماشىلىقتارى تۋرالى, كووپەراتيۆ قۇرۋ جۇمىستارىنا جانە نەسيەلەندىرۋ جۇمىستارىنا حالىققا قىزمەت كورسەتۋگە دايىن ەكەندىكتەرى جايىندا مالىمدەدى. ال جيىنعا قاتىسقان بىرقاتار ستك توراعالارى مەن كəسىپكەرلەر كوكەيىندەگى سۇراقتارىن قويىپ, ماردىمدى جاۋاپتار الدى.
