فورۋم اياسىندا وتكەن ءتورتىنشى سەكتسيانىڭ جۇمىسى «كومپانيا جۇمىسىنداعى GR-كوممۋنيكاتسيالار» ماسەلەسىنە ارنالدى. بۇل وتىرىستا PR-شى كلۋبىنىڭ پرەزيدەنتى ايدا دوساەۆا, قازاقستانداعى ەۋروپالىق قايتا قۇرۋ جانە دامۋ بانكىنىڭ ديرەكتورى اگريس پرەيمانيس, «سامۇرىق قازىنا» اق ۇكىمەتپەن ءوزارا ارەكەتتەسۋ جونىندەگى باسقارۋشى ديرەكتورى نۇرلان احمەتوۆ, ۇكىمەتپەن بايلانىس جونىندەگى تاۋەلسىز كەڭەسشى مارعۇلان وسپانوۆ سىندى باسقا دا سپيكەرلەر مىنبەردەن ءسوز سويلەدى.
قازاقستاندا GR قىزمەتى (مەملەكەتتىك بيلىك ورگاندارىمەن بايلانىس, ناقتىراق ايتقاندا, كومپانيالاردىڭ مەملەكەتتىك بيلىكتىڭ شەشىمدەرىنە ىقپال ەتۋ ماقساتىنداعى ءىس-ارەكەتتەرى) ءبىزدىڭ نارىققا جاھاندىق كومپانيالاردىڭ كەلۋىمەن پايدا بولدى. دەگەنمەن, سوڭعى 25 جىل ىشىندە GR كوممۋنيكاتسيالار تاسادا قالىپ وتىر, بۇل قىزمەت تۋرالى جازىپ نە ايتىپ جاتقانداردى كورمەيسىڭ, دەيدى سپيكەرلەر.
ۇكىمەتپەن بايلانىس ورناتۋدا تاۋەلسىز كەڭەسشى مارعۇلان وسپانوۆ «GR-دى كولەڭكەدەن شىعارۋ كەرەك», دەيدى. ونىڭ جاساعان زەرتتەۋى بويىنشا, قازاقستاندىق GR-مامانىنىڭ كەلبەتى تومەندەگىدەي انىقتالعان.
بۇل جاسى 30-40 جىل شاماسىندا, نەگىزىنەن ەكونوميكا جانە قارجى سالاسىندا ءبىلىمى بار, مۇناي-گاز سالاسىن تاڭدايتىن, مەملەكەتتىك نەمەسە مەملەكەت قاتىسۋىمەن يەلەنگەن كومپانيالاردا جۇمىس ىستەيتىن ازامات.
سونىمەن قاتار, سپيكەر بۇل ماماندىق بويىنشا جوعارعى ءبىلىم بەرەتىن ارنايى وقۋ ورىنداردىڭ ءبىزدىڭ ەلدە جوق ەكەنىن اتاپ ءوتتى. شەتەلدەردە ءدال وسى ماماندىققا قاتىستى مىقتى ءبىلىمدى اقش جانە ۇلىبريتانيانىڭ ۋنيۆەرسيتەتتەرى بەرەدى.
ايناش ەسالي,
«ەگەمەن قازاقستان».
الماتى
