اسىل تۇقىمدى مالدارمەن تولىقتى

اسقار ماديەۆ جەتەكشىلىك ەتەتىن «پەتەرفەلد-اگرو» جشس ەگىنشىلىكپەن قاتار مال شارۋا­شى­لىعىمەن دە اينالىسادى. قازىر سەرىكتەستىكتىڭ قاراما­عىندا 1000 قارالى قوي, 400-دەي جىلقى, 200-گە جۋىق قازاقتىڭ اقباس سيىرى بار. ەندى ءونىم­دىلىگى جوعارى اسىل تۇقىمدى رەپرودۋكتور شارۋاشىلىق قۇرۋعا بەل بايلاپ وتىر. ونىڭ العاش­قى قادامدارى قازىردىڭ وزىندە جاسالا باستادى. «ءىرى قارا مال ەتىنىڭ ەكسپورتتىق الەۋەتىن دا­مى­تۋ» باعدارلاماسى اياسىندا «سو­لتۇستىك» الەۋمەتتىك-كاسىپ­كەرلىك كورپوراتسياسىنان 227 ميلليون تەڭگە جەڭىلدىكتى نەسيە الىپ, جۋىردا گەرمانيادان سيممەنتال تۇقىمدى 386 باس سيىر مەن 14 بۇقا اكەلدى. تاڭداۋ نەگە وسى اسىل تۇقىمدى مالعا ءتۇستى دەگەن ساۋالىمىزعا فەرما مەڭ­گە­رۋشىسى ليۋبوۆ اكست بىلاي جاۋاپ بەردى. سيممەنتال ءسۇتتى, ەتتى ءىرى قارا مال تۇقىمى سانا­لادى. مىنا سيىرلاردى كورمەي­سىزدەر مە؟ جەلىندەرى جەر سىزىپ تۇر. دەنە تۇرقىلارى ءىرى. 550-700 كيلو سالماق تارتادى. 800-850 كيلوعا دەيىن بارادى. جى­لىنا 7-10 مىڭ ليتر ءسۇت بەرەدى. اۋا رايىنا تەز بەيىمدەلگىش. جەرگىلىكتى جەرگە جەرسىنىپ كەتكەنشە قولدا باعىلىپ, سوسىن جايىلىمعا شىعارىلادى. كۇزدە تابىن تولدەي باستايدى. الداعى ماقسات – قۇنارلى جەم-ءشوپ قورىن جاساۋ. ول جاعى دا تولىق شەشىلگەن. مال سەمىرتۋ الاڭىنىڭ جاي-كۇيىمەن تانىسقان وبلىس اكىمى سەرىك ءبىلالوۆ جىل باسىنان بەرى رەسپۋبليكامىزدىڭ وڭىرلەرى مەن الىس-جاقىن شەتەلدەردەن ءتورت مىڭ باس اسىل تۇقىمدى ءىرى قارا جەتكىزىلگەنىن, تاياۋ ارادا ەكى رەپرودۋكتور شارۋاشىلىق قۇرى­لا­تىنىن ايتتى. مال تاسۋمەن اينالىساتىن گەرمانيالىق «اگروتەح يمپەكس گمبح» كوم­پانياسى شارۋاشىلىقتارمەن تىكەلەي كەلىسىم-شارت جاساپ, جىل اياعىنا دەيىن 1200 مال جەتكىزۋدى مىندەتتەنگەن. – وسىناۋ يگى ءىستى اۋداندا ءبىرىنشى بولىپ «زەنچەنكو ي ك» كومانديتتىك سەرىكتەستىگى باستاعان بولاتىن. بيىل جازدا «سبي اگرو-تاشكەنتكا» جشس ءوز قاراجاتىنا اۆستريادان 120 باس سيممەنتال سيىرىن جەتكىزدى. كۇزگە سالىم «سولتۇستىك» اكك-ءنىڭ قارجىلىق دەمەۋىمەن گەرمانيادان تاعى 395 اسىل تۇقىمدى مال اكەلەتىن بولادى. «جانباي» شارۋا قوجالىعىنىڭ تا­بىن­دارى شىعىس قازاقستان وبلى­سىنان ساتىپ العان  قازاقتىڭ اق باس سيىرلارىمەن تولىقتى. «ششەگلوۆو» شارۋا قوجالىعى دا مۇددەلىلىك تانىتىپ وتىر,–دەيدى قىزىلجار اۋداندىق اۋىل شارۋاشىلىعى ءبولىمى باستى­عىنىڭ مىندەتىن اتقارۋشى قاي­رات ەسەتوۆ. ءومىر ەسقالي, سولتۇستىك قازاقستان وبلىسى, قىزىلجار اۋدانى.