“حانشا – داريا حيكاياسى” ادەبيەتتىڭ ايگىلى تارلانى, ەڭبەك ەرى ءابىش كەكىلباەۆتىڭ شىعارماسى نەگىزىندە ينستسەنيروۆكاسىن ج.قۇلمانبەتوۆ جازىپ, قازاقستاننىڭ ەڭبەك سىڭىرگەن قايراتكەرى, “پاراسات” وردەنىنىڭ يەگەرى, رەجيسسەر ن.جاقىپباەۆ ساحنالاعان جاستار تەاترىنىڭ تىڭ قويىلىمى جاقىندا بەيبىتشىلىك جانە كەلىسىم سارايىندا كورەرمەنگە ۇسىنىلىپ, ساحنا ساحاراسىنا جول تارتتى.
“زامانعا ساي ساز كەرەك” مەملەكەت باسشىسى نۇرسۇلتان نازارباەۆتىڭ “قازىر مادەنيەت سالاسىن دامىتۋعا مەملەكەتتىك قاتىسۋدى وڭتايلاندىراتىن, ياعني ءبىزدىڭ تالانتتارىمىزدىڭ ءوز شىعارماشىلىق ەڭبەگى ەسەبىنەن ءومىر ءسۇرۋ دەڭگەيىنە جەتۋىنە مۇمكىندىك بەرەتىن جاعدايلار جاسايتىن كەزەڭدەر تۋدى” دەگەن تۇجىرىمى مادەنيەت پەن ونەردى مەملەكەت تاراپىنان قولداۋعا, شىعارماشىلىق ادامدارىن ىنتالاندىرۋ مەن ماراپاتتاۋ جۇيەسىن قالىپتاستىرۋعا, قوعامدىق سەكتوردىڭ ءرولىن نىعايتىپ, مادەنيەت پەن ونەر سالاسىن جاڭعىرتۋعا نەگىز بولۋدا. وسى ماقساتتا مادەنيەت جانە اقپارات مينيسترلىگى تۇڭعىش رەت “تاۋەلسىزدىك تولعاۋى” كونكۋرسىنىڭ جەڭىمپازدارىن ماراپاتتاپ, ۇزدىكتەرگە ۇلكەن قۇرمەت كورسەتتى. بۇرىندارى قالتارىستا قالىپ قويا بەرەتىن وپەرا مەن بالەت سىندى كلاسسيكالىق جانرلار سوڭعى جىلدارى جاڭا سيپاتقا يە بولىپ, تىڭ تۋىندىلار دۇنيەگە كەلە باستادى. اسىرەسە, ۇلتتىق وپەرا مەن بالەت قويىلىمدارىنا ەرەكشە نازار تىگىلۋدە. ۇزدىك اۆتورلار, كومپوزيتورلار مەن ليبرەتتوشىلار تاۋەلسىز مەملەكەتىمىزدىڭ ساياسي-رۋحاني كەلبەتىن ايشىقتى ورنەكتەيتىن جاڭا تۋىندىلارىمەن ساحنالىق رەپەرتۋاردى بايىتىپ, وتاندىق تۋىندىلاردى الەمدەگى ايتۋلى ونەر وشاقتارىندا ناسيحاتتاۋعا مۇمكىندىكتەر تۋدا. رەسپۋبليكاداعى درامالىق جانە وپەرالىق تەاترلاردىڭ كوكجيەگىن كەڭەيتىپ, اۆتورلاردى مولىنان تارتۋدا ۇلكەن ءرول اتقاراتىن, نەسيەلى سىياقى كولەمى 24 ميلليون 200 مىڭ تەڭگەنى قۇرايتىن, مۋزىكا مەن دراماتۋرگيانىڭ التى سالاسىن قامتيتىن “تاۋەلسىزدىك تولعاۋى” كونكۋرسىن وتكىزۋگە مۇرىندىق بولعان مادەنيەت جانە اقپارات مينيسترلىگى ەڭ ۇزدىك درامالىق پەسالار, ەڭ ۇزدىك وپەرالىق شىعارمالار, ەڭ ۇزدىك بالەتتىك شىعارمالار, ەڭ ۇزدىك كامەرالىق مۋزىكا, ەڭ ۇزدىك قازىرگى زامانعى اندەر, ەڭ ۇزدىك بالالار اندەرى بويىنشا تۇسكەن شىعارمالاردى ىرىكتەپ, ماراپاتتاۋ ءراسىمىن كونتسەرتتىك باعدارلامامەن وتكىزدى. مەرەكەلىك كەشتە مادەنيەت جانە اقپارات ءمينيسترى مۇحتار قۇل-مۇحاممەد جەڭىمپازداردى جۇلدەلەرىمەن قۇتتىقتاي كەلە كونكۋرستىڭ ماقساتى مەن ەرەكشەلىگىنە توقتالىپ ءوتتى. “تاۋەلسىزدىك بابالارىمىز عاسىرلار بويى ارمانداپ, ءبىزدىڭ ۇرپاق جۇزەگە اسىرعان, بارلىق قازاقستاندىقتار ءۇشىن ەڭ قاسيەتتى قۇندىلىق” دەگەن ەلباسىمىزدىڭ ءسوزى “تاۋەلسىزدىك تولعاۋى” اتتى ءبىرىنشى رەت وتكىزىلىپ وتىرعان حالىقارالىق كونكۋرستىڭ باستى بايلامى دەۋگە بولادى. شىندىعىندا, تاۋەلسىزدىك جىلدارىندا قازاقستان الەم تانىعان مەملەكەتكە اينالدى. قازاقستاننىڭ بەدەلىن ەۋروپا مەن ازيا تۇگەل مويىندادى دەسەك, ارتىق ايتقاندىق بولمايدى. ەلباسىنىڭ باسشىلىعىمەن قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنا توراعالىعىن باستادى. مىنە, وسىنداي كەزدە مۇحتار اۋەزوۆ ايتقانداي, “زامانعا ساي ساز كەرەك”. سوندىقتان ەلباسىمىز تاۋەلسىزدىك مۇراتتارىنا ساي وسى زامانعى كورەرمەن شىن نيەتىمەن قابىلدايتىن, تاۋەلسىزدىك جىلدارى تۋىلعان ۇرپاقتىڭ جۇرەگىنەن ورىن الاتىن جاڭا مۋزىكالىق شىعارمالار جازۋ جانە ونى ساحنالاۋ جونىندە تاپسىرما بەرگەن بولاتىن. وسى كونكۋرس سول تاپسىرمانى ورىنداۋ ماقساتىندا جاريالاندى. كەيدە جۇرت تاپسىرمامەن جازىلعان دۇنيە جۇرەكتەن شىقپايدى دەپ ايتىپ جاتادى. بىراق تا الەمدىك كەرەمەت تۋىندىلاردىڭ ءبىرازى تاپسىرىسپەن جازىلعانى, ولاردى ۇلى كومپوزيتورلاردىڭ جازعانى بەلگىلى. جانە سول شىعارمالار ءالى كۇنگە دەيىن الەم ساحنالارى رەپەرتۋارىنان بەرىك ورىن الىپ كەلە جاتىر. سوندىقتان دا ءتورت نوميناتسيا بويىنشا وتكەن بۇل كونكۋرستىڭ ءمانى ەرەكشە. وعان اقش, گەرمانيا, كانادادا قىزمەت ەتىپ جاتقان كومپوزيتورلار دا قاتىستى. ەكىنشى ءبىر ەرەكشەلىگى – جەڭىمپاز اتانعان شىعارمالار بيىلعى جىلدىڭ وزىندە قازاقستاننىڭ جەتەكشى تەاترلارى رەپەرتۋارلارىنان ورىن الاتىن بولادى” دەپ ونەر دوداسىنىڭ مۇنان كەيىن دە جالعاسا بەرەتىنىن ايتتى. حالىقارالىق “تاۋەلسىزدىك تولعاۋى” كونكۋرسىنىڭ “ەڭ ۇزدىك بالەتتىك شىعارمالار” نوميناتسياسى بويىنشا بايقاۋعا جولدانعان ءتورت شىعارمانىڭ ىشىنەن ءبىرىنشى جۇلدەگە كومپوزيتور ءادىل بەستىباەۆتىڭ “جەرۇيىق” بالەتى لايىق دەپ تانىلىپ, جەڭىمپازعا جۇلدەنى قازاقستاننىڭ حالىق ءارتىسى رامازان باپوۆ تابىس ەتتى. ەكىنشى ورىن كومپوزيتور بالنۇر قىدىربەكتىڭ (ليبرەتتوسى تۇرسىنبەك نۇرقاليەۆتىكى) “ادامزاتقا امانات” بالەتىنە ءتيدى. “ەڭ ۇزدىك بالالار اندەرى” نوميناتسياسىنان “ەگەمەندى ەلىم-اي” ءانى ءبىرىنشى ورىندى جەڭىپ العان كومپوزيتور مارات ىلياسوۆقا جۇلدەنى بەلگىلى كومپوزيتور مارات وماروۆ تابىس ەتتى. ال ەكىنشى ورىن كومپوزيتور سەرىك ەركىنبەكوۆتىڭ “سۆەت دالنەي زۆەزدى” انىنە, ءۇشىنشى جۇلدە كومپوزيتور شولپان قورعانبەكوۆانىڭ “بالا باقىتى” انىنە بەرىلدى. بالالارعا ارنالعان شىعارمالارعا سوڭعى كەزدەرى ەرەكشە نازار اۋدارىلا باستاۋى جاڭا ەسىمدەردىڭ قالىپتاسىپ, الەمدىك ساحنالاردا تانىلۋىنا كوپ سەپتىگىن تيگىزۋدە. بۇل رەتتە قازاق ۇلتتىق مۋزىكا اكادەمياسى جانىنان قۇرىلعان ونەر ۇجىمدارى مەن جەكەلەگەن ونەر يەلەرىنىڭ جەتىستىكتەرىن ايتا كەتۋگە بولادى. بيىل كونكۋرسقا 44 شىعارمانىڭ جولدانۋى بالالار اندەرىنە دەگەن سۇرانىستىڭ الداعى ۋاقىتتا دا كەمىمەيتىنىن, بۇل باعىتتا ءالى كوپ تەر توگۋگە تۋرا كەلەتىنىن, ءىرى ونەر دودالارىنا تانىمال كومپوزيتورلاردى عانا ەمەس, دارىندى بالالاردىڭ شىعارمالارىن دا تارتا تۇسسە, نۇر ۇستىنە نۇر ەكەنىن ۇقتىرعانداي. “ەڭ ۇزدىك كامەرالىق مۋزىكا” نوميناتسياسى بويىنشا بايقاۋعا 19 شىعارما تۇسسە, ءبىرىنشى جۇلدە ارمان جايىموۆتىڭ “كوروعلى” تريوسىنا بەرىلدى. جۇلدەنى مادەنيەت جانە اقپارات ۆيتسە-ءمينيسترى اسقار بورىباەۆ تاپسىردى, ەكىنشى جۇلدە كومپوزيتور ارتىق توقسانباەۆتىڭ “دالا ناقىستارى” پوەماسىنا, ءۇشىنشى ورىن كومپوزيتور ءالىبي مامبەتوۆتىڭ تريو-ەلەگياسىنا بۇيىردى. “ەڭ ۇزدىك بۇگىنگى زامان اندەرى” نوميناتسياسى بويىنشا 42 شىعارما تالقىعا سالىنعان. سونىڭ اراسىنان رىسپانبەت بايدالىنىڭ “تۋعان ەلىم, دارقان جەرىم” ءانى ءبىرىنشى ورىندى يەلەنىپ, جەڭىمپازعا جۇلدەنى اتاقتى ءانشىمىز بيبىگۇل تولەگەنوۆا تابىستادى. ايسۇلۋ تانيەۆانىڭ “استانا” ءانى ء(سوزى ءسارۋار قاماەۆانىكى) ەكىنشى, ال كومپوزيتور ەستاي الىكەەۆتىڭ “العا, قازاقستان!” ءانى ءۇشىنشى جۇلدەنى جەڭىپ الىپ, ولاردى قازاقستاننىڭ حالىق ءارتىسى قايرات بايبوسىنوۆ ماراپاتتادى. تاعى ءبىر ايتا كەتەتىن نارسە, كونكۋرسقا بيىل رەسپۋبليكانىڭ ءار ايماعىنان حالىقتىڭ رۋحىن كوتەرەتىن, جاستاردىڭ بويىنا وتانشىلدىق ءنارىن سەبەتىن اندەر كوپتەپ تۇسكەنى بايقالدى. بىراق “جۇزدەن – جۇيرىك, مىڭنان – تۇلپار” دەمەكشى, شىعارماشىلىق باسەكەلەستىكتىڭ ۇلعايا ءتۇسۋى كەلەشەكتە ءاننىڭ ساپاسىن ارتتىرۋعا سەپ بولادى دەگەن ءۇمىت بار. “ەڭ ۇزدىك درامالىق پەسالار” نوميناتسياسىنا تۇسكەن 42 شىعارما ساراپقا سالىنا كەلە, دراماتۋرگ دۋلات يسابەكوۆتىڭ “جاۋجۇرەك” پەساسى ءبىرىنشى ورىنعا لايىق دەپ تابىلىپ, جۇلدەنى بەلگىلى سىنشى اشىربەك سىعاي تاپسىرسا, ەكىنشى ورىندى يەلەنگەن جازۋشىلار نۇرعالي وراز بەن (“اداسقان جۇلدىز” پەساسى) جولتاي ءالماش ۇلىنا (“جاپون ارۋىنىڭ ارمانى” پەساسى), سونداي-اق ءۇشىنشى جۇلدەنى ەنشىلەگەن يرانبەك ورازباەۆ پەن (“پورتمونە” پەساسى) جازۋشى تۇرسىنباي جانداۋلەتوۆكە (“جۇباي ساۋداسى” پەساسى) جۇلدەنى بەلگىلى رەجيسسەر ەسمۇحان وباەۆ تابىس ەتتى. مينيسترلىكتىڭ سوناۋ 2001 جىلدان باستاۋ الاتىن تاعى ءبىر ماڭىزدى شارالارىنىڭ ءبىرى – ءVى رەسپۋبليكالىق “ەلىم مەنىڭ” پاتريوتتىق اندەر كونكۋرسىنىڭ “اتامەكەن” نوميناتسياسى بويىنشا ءبىرىنشى جۇلدە كومپوزيتور تالعات ناعاشىباەۆتىڭ “قىزىلوردا” (ولەڭى دۇيسەنبەك اياش ۇلىنىكى), “امانات” نوميناتسياسىنان ءبىرىنشى جۇلدە كومپوزيتور ارىستانبەك كاكيەۆتىڭ “اقانعا ارناۋ” (ولەڭى سەرىك عابدۋلليندىكى), ال “ەلدىڭ ەرى – باۋىرجان” نوميناتسياسىنىڭ ءبىرىنشى جۇلدەسى دۋلات ءابىلدينوۆتىڭ “ەلدىڭ ەرى – باۋىرجان” انىنە ءتيدى. جۇلدەنى پارلامەنت ءماجىلىسىنىڭ دەپۋتاتى الدان سمايىل تاپسىردى. “ەڭ ۇزدىك وپەرالىق شىعارمالار” نوميناتسياسى بويىنشا ءتورت شىعارمانىڭ اراسىنان كومپوزيتور الماس سەركەباەۆتىڭ “بايتەرەك” وپەراسى جەڭىپ شىعىپ, جۇلدەنى مادەنيەت جانە اقپارات ءمينيسترى مۇحتار قۇل-مۇحاممەدتىڭ ءوزى تابىستادى. مينيستر “تاۋەلسىزدىك تولعاۋى” كونكۋرسىن قورىتىندىلاپ, باسەكەگە قابىلەتتى ءبىر سالا بولسا, ول مادەنيەت سالاسى ەكەنىن ايتتى. ء“بىز وتكەن جىلى ەۋروپانىڭ ءبىرتالاي ەلدەرىندە ونەر كورسەتتىك. قازىر لا سكالا تەاترىندا توعىز بالەت ءارتىسى تاجىريبەلەرىن بايىتۋدا. تەاتردىڭ ارتىستەرى سۇندەت بايعوجين, باۋىرجان ءامىرجانوۆ, سالتانات احمەتوۆا يتاليادا ونەرلەرىن ۇشتاپ جۇرسە, باريتون داۋىستى جاس دارىن ازامات جىلتىركوزوۆ جاقىندا ۆەناعا اتتانباق. ەڭ باستىسى, بۇل كونكۋرس تەاتر رەپەرتۋارلارىن بايىتۋعا مۇمكىندىك تۋعىزادى” دەگەن مينيستر بۇگىندە امەريكا جۇرتشىلىعىن ونەرىمەن ءتانتى ەتىپ جۇرگەن كومپوزيتور الماس سەركەباەۆ تۋرالى قىسقاشا ايتىپ ءوتتى. ال كونكۋرس جەڭىمپازى: “قازاقستان مۋزىكاسى بۇكىل الەمگە كەڭىنەن تاراسا دەپ ارماندايمىن” دەپ ونەر سايىسىنىڭ ناتيجەسىندە جاڭا سپەكتاكلدەر تۋا بەرەتىنىنە سەنىم ارتتى. مەرەكەلىك كەشكە ك.بايسەيىتوۆا اتىنداعى ۇلتتىق وپەرا جانە بالەت تەاترىنىڭ ارتىستەرى, حالىقارالىق كونكۋرستاردىڭ لاۋرەاتتارى ەلدار سارسەنباەۆ, اسەم قۇسايىنوۆا, استانالىق “بايتەرەك” توبى, بەلگىلى ءانشى التىناي جوراباەۆا, باقىتجان مۇساقوجاەۆا ديريجەرلىك ەتەتىن كامەرالىق وركەستر جانە باسقا دا ونەر شەبەرلەرى قاتىسىپ, قازاقستاننىڭ حالىق ءارتىسى تۇڭعىشباي جامانقۇلوۆ ءابىش كەكىلباي ۇلىنىڭ “ابىلاي حان” دراماسىنان مونولوگ وقىپ بەردى. ونەرپازداردىڭ قۇرمەتىنە مادەنيەت جانە اقپارات ءمينيسترى مۇحتار قۇل-مۇحاممەدتىڭ اتىنان ىقىلاس گ ۇلى تارتۋ ەتىلدى. “حانشا – داريا حيكاياسى” ادەبيەتتىڭ ايگىلى تارلانى, ەڭبەك ەرى ءابىش كەكىلباەۆتىڭ شىعارماسى نەگىزىندە ينستسەنيروۆكاسىن ج.قۇلمانبەتوۆ جازىپ, قازاقستاننىڭ ەڭبەك سىڭىرگەن قايراتكەرى, “پاراسات” وردەنىنىڭ يەگەرى, رەجيسسەر ن.جاقىپباەۆ ساحنالاعان جاستار تەاترىنىڭ تىڭ قويىلىمى جاقىندا بەيبىتشىلىك جانە كەلىسىم سارايىندا كورەرمەنگە ۇسىنىلىپ, ساحنا ساحاراسىنا جول تارتتى. “حانشا – داريا حيكاياسى” قويىلىمى تۋرالى كورەرمەنگە تۇسىنىكتى بولۋى ءۇشىن تاراتىلعان بۇكتەمەدە: “بولاشاقتاعى ۇلى جەڭىستەر ءۇشىن! دەپ ۇرانداتقان جارتى الەمنىڭ ءامىرشىسى شىڭعىسحاننىڭ جاۋلاپ العان تاڭعىت تايپاسىنان تاڭداعان ارۋى گۇربەلجىن سۇلۋ ءامىرشىنىڭ ومىرىنە تۇسكەن وزەك قۇرت ەكەنىن, پەندەلىكتىڭ اقىرعى دەمىن وسى ارۋدىڭ ۇزەرىن كىم بىلگەن. وسى قاربالاڭ ومىردە قاتىگەزدىك پەن ادىلدىكتى بىتە قايناستىرا بىلگەن جانداردىڭ دا, جاراتۋشى ءوزى بەرگەن ءتان عۇمىرىن توقتاتۋ ءساتىن ءالسىز جاندار ارقىلى سەبەپكەر ەتسە امال قانشا؟ وسى ءبىر تىلسىم دۇنيەنى ساحنا تىلىمەن سويلەتە, جەتكىزە بىلگەن قويىلىم رەجيسسەرىنىڭ شەشىمى, قاس قاعىمدا ويىڭىزدى الاي-دۇلەيگە تولتىرىپ, ءومىر-وزەننىڭ ارناعا سىيماي اققان تولقىنىندا جەتەلەيدى” دەپ تۇيىندەلە باياندالادى. الەمدى ءدۇر سىلكىندىرگەن ءامىرشىنىڭ سوڭعى دەمىن جۇتار ساتتەگى كۇيزەلىس-قايعىسى, اقىرەتكە اتتانار الدىنداعى سەزىم-كۇيى وسىعان دەيىن قۇپيالى قۇرساۋ بولىپ كەلسە, تاريحي تۇلعانىڭ بەينەسىندەگى بەدەرلەر ءالى دە تالاي جىلدار ءتۇرلى قيسىنداردى تۋدىرىپ, اڭىز بەن اقيقاتتى استاستىرا الۋان پايىمدى شىعارماشىلىق پاراعى قالىڭداي تۇسەرى كۇمان تۋدىرمايدى. ساحنا ساحاراسىنا بۇرىن سالىنباعان وزگەشە ورنەكپەن, شەرتىلمەگەن بولەك اۋەنمەن, تەاتر سوقپاعىندا كەزىكپەگەن سونى ىزبەن دۇنيەگە كەلگەن كەزەكتى تۋىندىنى دا سونداي شىعارمالار ساناتىنا جاتقىزار ەدىك. قويىلىمدى تاماشالاعان سوڭ, وي-بايلامىن ورتاعا سالعان قالامگەردىڭ پايىمداۋىنشا, ەكسپەريمەنتالدى تەاتردا دۇنيەگە كەلگەن ساحنالىق قويىلىمدى كورۋ اۆتورعا قاشاندا وڭاي سوعا قويماسى انىق. وسىدان قىرىق ءۇش جىل بۇرىن جارىق كورگەن جازۋشى پوۆەسىندەگى كوپ تۇستار وزگەرتىلگەن, تەاتر تىلىنە اۋدارىلىپ جاڭاشا جاسالىنعان. كوپ ويدى رەجيسسەر كەيىپكەرلەردىڭ ارقانمەن ارپالىسى سىندى پلاستيكالىق ارەكەتتەر ارقىلى باياندايدى. سول سەبەپتى دە قالامگەر مۇنى ءوز شىعارماسىنىڭ جەلىسىندە قويىلعان تۋىندى دەپ ەسەپتەمەيدى. شىڭعىسحاننىڭ قالاي, قاشان ولگەنى جايىندا ءالى كۇنگە دەيىن ناقتى دەرەكتىڭ تابىلماۋىنان ادەبي, ساحنالىق كوركەم تۋىندىلار جەلىسىنە ءتۇرلى اڭىز-ءاپسانالار نەگىز بولىپ, شىرعالاڭنان شىندىققا شىعار جول ىزدەستىرىلگەلى قاشان دەسەك تە, بۇل تاقىرىپتى قاۋزاعان شىعارماشىلىق ادامدارىنىڭ بايلام-باعىتىنىڭ ءبىر-بىرىنە ۇقساماي, ءبىر-ءبىرىن قايتالاماي, ارقايسىسى ءوز اقيقاتىمەن ءومىر سۇرۋىنە قۇقىلى ەكەنى بەلگىلى. قويىلىم تۋرالى ءوز ويىن قورىتىندىلاي كەلە قالامگەردىڭ “حانشا-داريا وقيعاسى” سپەكتاكلىن شىڭعىسحان ءومىرىنىڭ سوڭعى ساتىنەن ءبىر ۇزىك سىر دەۋگە بولادى. ول وسى كۇيىندە تۇرىپ تا, وزىندىك ويلارىمەن, باعىت-بايلامىمەن كورەرمەن قوشامەتىنە بولەنۋگە قاقىسى بار ەكەنىن ايتىپ ءوتۋى سوندىقتان. بارلىق ۋاقىتتا ساحنالىق قويىلىم شىعارما جەلىسىمەن ۇندەسىپ, العاشقىسى كەيىنگىسىنىڭ اينا-قاتەسىز قايتالاۋى, كوشىرمەسى بولىپ شىعا بەرمەيتىنى راس. بىراق تا تۋىندى مەن قويىلىمنىڭ ءبىر-بىرىنە جۋىقتايتىن تۇستارى, ۇندەسەتىن ۇلگىلەرى ءجيى ۇشىراسادى. تۋىندى مەن قويىلىمدى شىڭعىسحاننىڭ قازاسىنا بايلانىستى وقيعانى تاڭداۋ جاعى جاقىنداستىرۋى مۇمكىن. مۇندا ءامىرشىنىڭ ولىمىنە سەبەپكەر بولعان – تاڭعىت تايپاسىنىڭ ارۋى گۇربەلجىن سۇلۋ ەكەنى باياندالادى. قاھارلى حاننىڭ عاشىقتىق سەزىمنەن جارالانىپ, حالىقتىڭ قانىن سۋشا توككەن ز ۇلىمدىقتىڭ ەڭ سوڭىندا ماحاببات تابانىندا تاپتالۋى ءبىر جاعىنان جاراتقاننىڭ قۇدىرەتىمەن جاسالعان جازا سياقتى بولسا, ەكىنشى جاعىنان وسى شەشىم دۇنيەدەگى ەڭ قىمبات قۇندىلىققا دەگەن ءىلتيپات سەزىمى سەكىلدى كورىنەدى. ساحنا ءتىلىنىڭ اۋەن, پلاستيكالىق ارەكەت-قيمىل ارقىلى ءورىلىپ, مۇلدە بولەك ارنادا ورنەكتەلىپ جاتۋى زاڭدىلىق. رەجيسسەر نۇرقانات جاقىپباەۆ قويىلىمىنىڭ ەرەكشەلىگى – ساحنالىق يدەيانىڭ جۇزەگە اسىرىلۋىنا ءۇش تاعان قاتار تۇرىپ قىزمەت اتقارادى. بۇلار – ءسوز, بي جانە اۋەن ءتىلى. وسى ءۇش تاعان بىرىگىپ, قويىلىمنىڭ قونىمدى ورىلۋىنە سەبەپشى بولعان. سپەكتاكلدەن تەاتر ونەرىندەگى زاماناۋي قولتاڭبالار كورىنىس تابادى. اكروباتيكالىق, حورەوگرافيالىق قيمىلدار ارتىستەردىڭ شىنايى ويناۋىمەن وزىنە باۋراي تۇسەر ەدى. رەجيسسۋراداعى تىڭ شەشىمدەر مەن سونى ادىستەر سپەكتاكلدىڭ ءساتتى ءتۇستارى بولىپ قالارى انىق. بيگە لايىق مۋزىكانىڭ تابىلۋى, كوڭىل-كۇي بوياۋلارىن ءتۇرلى دىبىستارمەن, جاڭعىرىقپەن ورنەكتەۋ قويىلىمدى كورەرمەننىڭ ءبىر دەممەن كورىپ شىعۋىنا مۇمكىندىك بەرەدى. سپەكتاكلدەگى نەگىزگى كەيىپكەرلەرگە كەلسەك, شىڭعىسحان ء(ادىل احمەتوۆ), كورىپكەل ( ءمادينا ماتاموۆا), قاھار (ازامات ەسقۇلوۆ), شىدۇرعى (داۋرەن سەرعازين), گۇربەلجىن (اينۇر راحيپوۆا), تۇتقىن (باقىت قاجىباەۆ) رولدەرىن سومداعان ارتىستەردىڭ قاي-قايسىسىنىڭ ونەرىنەن بولسىن وزدەرىنە جۇكتەلگەن مىندەتتى ءمىنسىز اتقارىپ شىعۋعا تىرىسىپ باققانى بايقالدى. ساحنا دەكوراتسياسىنا ارقاننىڭ تاڭدالۋى وقيعا ارقاۋىن جەتىلدىرىپ, استارلى ويعا جەتەلەيدى. استان-كەستەڭ ايقاس تا, الاڭداعان كوڭىل مەن اجالدى تاعدىر دا ارقان ارقىلى تۇيىندەلەدى, عاشىقتىق جىرى وسىمەن شەرتىلەدى. ارينە, سپەكتاكلدىڭ كوكەيگە ءسال دە بولسا ساۋال تاستاتاتىن جاقتارى جوق ەمەس. ساحنا تورىندەگى پەردەلەر ارتىنان قىپ-قىزىل اي بەينەسى كوزگە وتتاي باسىلار ەدى. ول سول ءداۋىردىڭ ءۇنىن, شىڭعىسحاننىڭ قاندى شاپقىنشىلىعى مەن تىپ-تيپىلى شىققان تاڭعىت تايپاسىنىڭ كوز جاسىن بەينەلەيتىن بەدەر سىندى ەلەستەر. بىراق سپەكتاكلدىڭ باستان-اياق وسى اي اياسىنان, قاراڭعىلىق قۇرساۋىنان شىقپاۋى, جارىقتىڭ كومەسكى تارتۋى ويلانتپاي تاعى قويمايدى. سوندىقتان سپەكتاكل الداعى ۋاقىتتا ءالى دە ءوزىنىڭ ارتىق-كەم تۇستارىن تۇزەتىپ, تولىعا تۇسەدى دەپ سەنگىمىز كەلەدى. قىسقاشا ايتقاندا, جاستار تەاترىنىڭ تىڭ تىنىستى, الەۋمەتتى قۋانتار تاعى ءبىر تۋىندىمەن باي تۇسكەنىنە جۇرت كۋا.
