بىرلىك پەن بەرەكە ورداسى

– ونەر اتاۋلىدا شەكارا بول­مايتىنى سەكىلدى, ءار ەلدىڭ ورتالىعى, ياعني استاناسىندا باس قوسقان ونەر ادام­دارىندا دا شەكتەمە بولمايدى. كىم ونەرلى, تالانتتى بولسا, سول ادام ءاردايىم جۇرتتىڭ كوزايىمىنا اينا­لاتىنى ءسوزسىز. استاناعا كەلگەنىمە 3 كۇندەي بولىپ قالدى. بايقاپ قاراسام, مۇندا جان-جاقتان جينالعان ونەر­پازداردان بولەك, ەلوردالىقتاردىڭ وزدەرى عاجايىپ ءبىر ونەر مەكتەبىن تامامداعان تۇلەكتەر بولىپ كورىنەدى. ويتكەنى, ەڭبەك­تەگەن جاسىنان ەڭكەي­گەن قارتىنا دەيىن ءبارى ولەڭدەتىپ, ءان ايتىپ, بيلەپ جۇرەدى ەكەن. ءان, بي, دۋمان دەگەندە بىرەۋدەن بىرەۋ ۇيالىپ جاتقان, قىسىلىپ جاتقان جايتتەردى كور­مەدىم. بارلىق ادامداردىڭ كوڭىل-كۇيلەرى تاماشا ەكەنىن, ءومىردىڭ ءاربىر ساتىنە ريزا­شى­لىقپەن قارايتىنىن, بارمىن دەپ اسقاقتامايتىن, جوقپىن دەپ قىسىل­مايتىن, ءاي­تەۋىر قانداي جاعداي بولماسىن اركىم ءوزىنىڭ كوڭىل-كۇيلەرىن جاساپ جاتقانىن بىردەن بايقادىم. وسىنىڭ ءبارىن ولاردىڭ مەملەكەتكە, ەلگە, بەيبىتشىلىككە دەگەن سەنىمدەرىنەن اڭعارۋعا بولادى. – استاناعا مەنىڭ ءبىرىنشى كەلۋىم. وسىعان دەيىنگى فەستيۆالدەرگە باسقا قالالاردىڭ تسيرك ۇجىمدارى كەلگەن بولاتىن. الايدا ءبىرىنشى ساپارىم بولسا دا, وسىعان دەيىن تالاي رەت كەلىپ جۇرگەن­دەي اسەر ەتتى ماعان. قالا ىس­تىق, باۋىر­مال بولىپ كورىندى. قالا­لىقتاردىڭ قوناققا دەگەن پاك نيەتتەرىن وسىدان دا بايقاۋعا بولادى. ءبىز كوپتەگەن ەلدەردى ارالاپ, ۇلتتىق تسيرك ونەرىمىزدى تالاي ەلگە كورسەتىپ جۇرگەن ونەر يەلەرىمىز. الايدا, ءبىز دە قاراپايىم ادامبىز. جاقسى قاباق تانىتقان, ادال نيەتتى جانداردى ءبىز دە ىشتەي سەزەمىز. سول سياقتى استاناعا كەلگەنىمىزدە قازاق حالقىنىڭ دارحان جۇرەكتى, كەڭپەيىلدى ەكەندىكتەرىن ىستەرى ارقىلى اڭعارۋ ءبىر باسقا دا, ادامداردى كورگەندەگى بەرىلەتىن ەنەرگيالاردان اڭعارۋ ءبىر باسقا. ءبارىنىڭ جۇزدەرىنەن تىنىش­تىقتىڭ, بەرەكە-ءبىر­لىكتىڭ, بولا­شاق­قا دەگەن سەنىمنىڭ كۇشىن بايقاۋعا بولادى. استاناعا جاساعان ءبىرىنشى ساپا­رىم وزىمە سونداي ۇنادى. حان شوبين, قىتاي حالىق رەسپۋبليكاسى ۋ حان قالاسى ۇلتتىق تسيرك ورتالىعىنىڭ مەڭگەرۋشىسى.