«ەر كەزەگى ۇشكە دەيىن» دەمەكشى, 56 كيلودا سىنعا تۇسكەن ەڭ تاجىريبەلى بوكسشىلارىمىزدىڭ ءبىرى قايرات ەراليەۆ وسىمەن ازيا چەمپيوناتىنا ءۇشىنشى رەت قاتىستى. سول كەزدەگى ءۇندىس قارسىلاسى وڭ جامباسىنا كەلمەدى مە, ايتەۋىر العاشقى سارى قۇرلىق چەمپيوناتىندا باعى جانبادى. ەكىنشىسىندە قولا مەدالدى قاناعات تۇتۋعا ءماجبۇر بولدى.
ەندى مىنە, ءۇشىنشى مۇمكىندىكتى دە ءمۇلت جىبەرىپ وتىر. ونىڭ جولىن بۇل جولى قىتايلىق جيا ۆەي چجان كەستى. ەسەپ – 3:2. ەندى قىتاي بوكسشىسى فينالدا رينگ يەسى, ريو وليمپياداسىنىڭ قولا جۇلدەگەرى مۋرودجون احماداليەۆپەن سىنعا تۇسەدى.
الماس ماناپ,
«ەگەمەن قازاقستان» –
تاشكەنتتەن
