قالالىق دەنساۋلىق ساقتاۋ باسقارماسىنىڭ ايتۋىنشا, ورتالىقتى قۇرۋدا ەگدە جاستاعى ادامدار الەۋمەتتىك دامۋدىڭ وڭ فاكتورى رەتىندە قاراستىرىلاتىن الەمنىڭ وزىق ەلدەرىنىڭ تاجىريبەسى پايدالانىلدى. قازاقستاندا 2016-2019 جىلدارعا ارنالعان «دەنساۋلىق» مەملەكەتتىك باعدارلاماسى ىسكە اسىرىلۋدا, وندا ەگدە جاستاعى ادامدارعا قامقورلىق جاساۋ مەن ولاردىڭ قاجەتتىلىكتەرىنە ايرىقشا كوڭىل بولىنگەن.
ورتالىقتى قۇرۋداعى نەگىزگى ماقساتتاردىڭ ءبىرى – ەرەسەك جانە ەگدە جاستاعى ادامداردىڭ جاي-كۇيىن كەشەندى گەرياتريالىق باعالاۋ. ياعني, ەرەسەك جانە ەگدە جاستاعى ادامداردى كوپولشەمدى, كوپپروفيلدى دياگنوستيكالىق باعالاۋ. كەشەندى گەرياتريالىق باعالاۋعا دارىگەر-گەرياتر, كارديولوگ, نەۆرولوگ, پسيحولوگ, الەۋمەتتىك قىزمەتكەر, كلينيكالىق فارماكولوگ قاتىسادى. ورتالىقتا ماماندار ەمدەلۋشىنىڭ فيزيكالىق جانە فۋنكتسيونالدىق جاي-كۇيىن, ونىڭ جادىن, ەموتسينالدىق جاعدايىن, دارىلىك تەراپيانىڭ قاۋىپسىزدىگىن باعالايدى. سونىمەن قاتار, تاماقتانۋ ماسەلەلەرى بويىنشا كەڭەس بەرەدى, ەمدىك-فيزيكالىق جاتتىعۋلار, ەمدەۋ, كۇتۋ مەن ساۋىقتىرۋدىڭ جەكە جوسپارىن ازىرلەيدى.
گەرونتولوگيا ورتالىعى ساپالى دياگنوستيكالىق شارالار وتكىزۋگە ارنالعان زاماناۋي مەديتسينالىق قۇرالدارمەن جابدىقتالعان.
