«اتىراۋ» حالىقارالىق اۋەجايى مەن «مۇنايشى» ستاديونىنان باستالاتىن مارافونعا قاتىسۋعا ەكى مىڭنان استام ادام نيەت بىلدىرگەن.
وڭىرلىك كوممۋنيكاتسيالار قىزمەتىندە وتكەن بريفينگتە ۇيىمداستىرۋ كوميتەتىنىڭ وكىلى يۋري پونومارەۆ جۇگىرۋ جارىسىندا باق سىناۋعا قاتىسۋشىلاردىڭ ەڭ ۇلكەنى 74 جاستاعى ارداگەر ەكەنىن ايتتى. قاشىقتىققا جۇگىرۋشىلەرمەن بىرگە پوليتسيا قىزمەتكەرلەرى, جەدەل جاردەم دە جولعا شىعادى. قاتىسۋشىلار جۇگىرۋدى جالعاستىرا المايتىن جاعداي بولسا, شۇعىل كومەك كورسەتۋ ءۇشىن ارنايى اۆتوبۋس قاراستىرىلعان. جول بويىنا سۋ تاراتاتىن ستاتسيونارلى جانە مەديتسينالىق پۋنكتتەر ورنالاستىرىلادى. جەڭىمپازدار 8 اتالىم بويىنشا ماراپاتتالادى. مارافون قۇرمەتىنە ەسترادا جۇلدىزدارىنىڭ قاتىسۋىمەن تەگىن كونتسەرت قويىلادى.
ءباسپاسوز-ءماسليحاتىنا گيننەسستىڭ رەكوردتار كىتابىنا جەتى رەت ەسىمى ەنگەن مارات جىلانباەۆ, وليمپيادا چەمپيونى ولگا شيشيگينا, وبلىستىق دەنە شىنىقتىرۋ جانە سپورت باسقارماسىنىڭ باسشىسى ازامات بەكەت قاتىستى.
باقىتگۇل باباش,
«ەگەمەن قازاقستان».
اتىراۋ.
