جوعارى پارتيا مەكتەبىنىڭ ايماقتىق ورتالىعى

مەملەكەت باسشىسى, «نۇر وتان» حدپ توراعاسى نۇرسۇل­تان نازارباەۆتىڭ تاپ­سىر­ماسىمەن استانا قالاسىن­دا بۇدان ءبىر جىل بۇرىن جو­عا­رى پارتيالىق مەكتەپ ءوز جۇ­مىسىن باستاعان بولاتىن. ەندى, مىنە, الماتىدا «نۇر وتان» حدپ-نىڭ جوعارى پارتيالىق مەكتەبىنىڭ ايماقتىق ورتالى­عى اشىلدى. بۇل ورتالىقتىڭ اشىلۋ سالتاناتىنا «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين جانە الماتى قا­لاسىنىڭ اكىمى احمەتجان ەسىموۆ قاتىستى. كوپشىلىككە بەلگىلى, پارتيا­نىڭ كەزەكتەن تىس ءحىى سەزىندە ەلباسى ورتالىق جانە ايماقتىق دەڭگەيدەگى پارتيالىق-ساياسي وقۋ جەلىسىن ودان ءارى نىعايتۋ قا­جەتتىگى تۋرالى اتاپ ايتقان ەدى. ور­تالىقتىڭ اشىلۋ سالتانا­تىن­دا ءسوز العان «نۇر وتان» حدپ توراعاسىنىڭ ءبىرىنشى ورىن­با­سا­رى نۇرلان نىعماتۋليننىڭ اي­تۋ­ىن­شا, رەسپۋبليكاداعى ەڭ ۇلكەن شاھار – الماتىدا پارتيا مەك­تە­بىنىڭ اشىلۋى – قازاقستاننىڭ وڭتۇستىك ايماعىنداعى بارلىق پارتيا كادرلارىنىڭ بويىنداعى كاسىبي جانە كوشباسشىلىق ىسكەرلىگى مەن بىلىكتىلىگىن ودان ءارى ارت­تىرۋداعى ماڭىزدى قادام بولىپ تابىلادى. ال, مەكتەپتى ۇيىمداستىرۋ­شى­لاردىڭ ايتۋىنشا, پارتيالىق وقۋدىڭ الماتى ايماقتىق ورتا­لىعىندا ءبىلىم الاتىندار قاتارى ءبىرشاما. ولاردىڭ اراسىندا وڭ­تۇس­تىك ايماقتاعى ءتورت وبلىستىڭ, انىعىراق ايتقاندا, الماتى, جامبىل, وڭتۇستىك قازاقستان جانە قىزىلوردا وبلىستارىنىڭ جانە الماتى قالاسىنىڭ پار­تيا­لىق اكتيۆى دە بار. پارتيا مەك­تە­بىنىڭ العاشقى فيليالى وتكەن جىلى مەملەكەت باسشىسى نۇر­سۇل­تان نازارباەۆتىڭ قاتىسۋى­مەن اقتوبە قالاسىندا اشىلعان ەدى. قازىر وندا باستاۋىش پارتيا ۇيىمىنىڭ 200-دەن استام جەتەكشىسى دايىندالىپ شىقتى. «نۇر وتان» حدپ فيليالى­نىڭ وڭتۇستىك استانادا اشىلۋى­نىڭ ءبىر سەبەبى, ەڭ الدىمەن قا­لا­نىڭ عىلىمي, الەۋمەتتىك-ساياسي قۋاتىمەن دە بايلانىستى بولسا كەرەك. ورتالىق ەسىگىنىڭ ايقارا اشى­لۋىنىڭ ماڭىزدىلىعى ءجو­نىن­دە الماتى قالاسىنىڭ اكىمى احمەتجان ەسىموۆ ءوز سوزىندە اتاپ ءوتتى. اكىمنىڭ پىكىرىنشە, الەمدىك قارجى داعدارىسىنىڭ سالدارىن ەڭسەرگەن قالا ءبىرشاما جاقسى قار­قىنمەن دامۋدا. ماسەلەن, ءوندىرىس وتكەن جىلى 26 پايىزعا ءوستى. بي­ىلعى جىلدىڭ وتكەن ءتورت ايىنىڭ وزىندە ول 28  پايىزعا جەتىپ, سالىق ءتۇسىمى وسى مەرزىمدە 28 پايىزعا ءوسۋى كوپ نارسەدەن حابار بەرەدى. الماتى فيليالىنىڭ جەتەكشىسى قالاداعى پارتيا مەكتەبىنىڭ كەلەشەكتەگى مىندەتتەرىنە دە توق­تالدى. بۇل ورايدا پارتيا مۇشە­لەرى مەن ونىڭ جاقتاستارىنىڭ, ياعني قولداۋشىلاردىڭ ءبىلىم دەڭ­گەيىن تەرەڭدەتىپ, سترا­تەگيالىق ماقساتتارعا قول جەتكىزۋگە  ءمۇم­كىندىك بەرەدى. باستاۋىش پار­تيا ۇيىمدارىنىڭ توراعا­لا­رى پار­تيا­لىق وقۋدىڭ الماتى ايماق­تىق ورتالىعىنىڭ العاشقى تىڭ­داۋشىلارى بولدى. باقىت بالعارينا, الماتى.