جىلجىمالى مەديتسينالىق كەشەن – اياگوزدە

ەلباسىنىڭ قازاقستان حال­قى­نا جولداۋىندا ادامداردىڭ دەن­ساۋلىعىن جاقسارتۋعا, مەدي­تسي­نا­لىق كومەك كورسەتۋدىڭ ءتيىمدى ادىستەرىن قولدانىپ, ىسكە سەرگەك  قاراۋ كەرەكتىگىنە ەرەكشە نازار اۋ­دا­رىلعان. شى­عىس قازاقستان وبلى­سىندا بۇل باعىتتا قانداي ىستەر اتقارىلىپ جاتىر دەگەنگە كەلسەك, اۋىل ادامدارىنا مەدي­تسي­نالىق كومەك كورسەتۋ ماقسا­تىن­دا بيىل ءتورت بىردەي جىل­جى­مالى كەشەندەر ساتىپ الىندى. جىل باسىنان بەرى بۇل كەشەندەر وبلىستىڭ بىرنەشە اۋداندارىندا بولىپ, ادام­دارعا تەگىن قىزمەت كورسەتتى. اتاپ ايتقاندا, جۋىردا اياگوز اۋدانىنا جىلجىمالى مە­دي­تسي­نالىق قىزمەت كورسەتەتىن كە­شەن كەلىپ جەتتى. اقشاتاۋ, باس­قا دا اۋىل تۇرعىندارى وزدەرىن تولعاندىرعان ساۋالدارعا جاۋاپ الدى. العاشقى كۇنى جىلجى­ما­لى كەشەننىڭ قىزمەتىن وتىزدان استام تۇرعىن پايدالاندى. جىلجىمالى دارىگەرلىك قىز­مەت كورسەتەتىن كەشەن جەتى باعىت بويىنشا جۇمىس جاساۋدا. اتاپ ايتقاندا, جالپى قابىلداۋ ءبولى­مىندە ادامدار دەنساۋلىقتارىن دارىگەرگە تەكسەرتىپ, گينەكولوگيا جانە حيرۋرگيا كابينەتتەرىندە قاجەتتى كەڭەس الۋدا. لابوراتوريا دياگنوستيكاسى كابينەتتەرى ادام اعزاسىنداعى گليۋكوزانىڭ ءمول­شەرى, حولەستەرين, بيو­حي­ميا­لىق قان مولشەرىن انىقتادى. سونداي-اق, ءتىس دارىگەرىنە قارالۋ­شىلار قاتارى كوپ بولدى. – اعزاداعى قان قۇرامىنداعى قانتتىڭ مولشەرىن كىم انىقتاپ كورگەن؟ اياگوز وبلىس ورتالى­عى­نان شالعايدا, سوندىقتان ءمۇم­كىن­دىك از. ابىروي بولعاندا, قان­داعى قانت ءسال كوتەرىلگەنى بولماسا, قاۋىپ شامالى ەكەن. دەمەك, نان, توقاش, ءتاتتى تاعامنان باس تارتۋعا تۋرا كەلەدى, – دەيدى جەرگىلىكتى تۇر­عىن ا.ءسابيتوۆا دەگەن كەيۋانا. – ءۇرجار, تارباعاتاي, زايسان اۋداندارىنا دا جىلجىمالى مە­ديتسينالىق كەشەندەر قىزمەت كور­سەتەتىن كۇن الىس ەمەس. وب­لىس­تىق بيۋدجەتتەن بيىل دا ءدارى­گەرلىك قىز­مەتتى جاقسارتۋعا ءجۇز­دە­گەن ميل­ليون تەڭگە قارجى ءبولى­نىپ وتىر. كاتونقاراعايدا جاڭا اۋرۋحانا پاي­دالانۋعا بەرىلدى. سەمەي, وسكەمەن قالالارى مەن اۋدان ورتالىق­تا­رىندا دا تۇر­عىن­دارعا ساپالى قىز­مەت كورسە­تەتىن ورىندار بار, – دەيدى وب­لىس­تىق دەنساۋلىق ساقتاۋ باس­قار­ماسىنىڭ باستىعى ە.ماساليموۆ بىزبەن حابارلاسقاندا. وڭداسىن ەلۋباي. شىعىس قازاقستان وبلىسى.