بۇگىنگى كۇننىڭ اقيقاتىن جانە تەحنولوگيالىق جاڭالىقتاردى ەسكەرە وتىرىپ, حابارسىز كەتكەندەردىڭ ورنالاسقان جەرىن ۋاكىلەتتى ورگاندارمەن تەز ارادا تابۋ ءتاجىريبەسىنە جانە جەدەل-ىزدەستىرۋ مەن پروتسەسسۋالدىق شارالاردى كەشەندى قولدانۋعا قاراماستان, بۇل تەتىك تۇراقتى جەتىلدىرۋدى قاجەت ەتەدى. الايدا, جەدەل-ىزدەستىرۋ قىزمەتىنىڭ ىسكە قوسىلعان تەتىگىنىڭ اعىنىندا حابارسىز كەتكەندەردىڭ جانە ولاردىڭ تۋىستارىنىڭ قۇقىقتارى مەن زاڭدى ءمۇددەلەرىن قورعاۋ ءماسەلەلەرىن ۇمىتپاۋىمىز قاجەت.
قازىرگى تاڭدا ادام جوعالعان جاعدايدا اتالعان فاكت ءتىركەلەدى جانە جەدەل-ىزدەستىرۋ قىزمەتىنىڭ بارلىق شارالارى جۇرگىزىلەدى. بىراق بۇل رەتتە تىركەۋ نولدىك پوزيتسيا بو-
يىنشا جۇزەگە اسىرىلادى, ياعني قىلمىستىق كودەكستىڭ جەكە تۇلعاعا قارسى ناقتى بابىنا سىلتەمە جاسالمايدى. ءبىزدىڭ ويىمىزشا, وسى سوت تالقىلاۋى اياسىندا حابارسىز كەتكەن تۇلعانىڭ اسىرا-
ۋىنداعىلاردى ءىستىڭ ءمان-جايى انىقتالعانعا دەيىن «ءجابىرلەنۋشىلەر» دەپ تانۋ تۋرالى ءماسەلەنى قاراۋ ماقساتقا ساي بولادى. وسى ادامداردىڭ اتالعان مارتەبەسى قىلمىستىق-پروتسەستىك زاڭنامانىڭ اياسىندا ءجابىرلەنۋشىلەرگە زياندى وتەۋ قورى ارقىلى ولاردىڭ زاڭدى قۇقىقتارى مەن ءمۇددەلەرىن قورعاۋعا ءمۇمكىندىك بەرەدى.
اتاپ وتەتىن جايت, «ءجابىرلەنۋشىلەرگە زياندى وتەۋ قورى تۋرالى» زاڭنىڭ جوباسى پارلامەنت ءماجىلىسىنىڭ قارا-
ۋىندا جاتىر. ءبىزدىڭ ويىمىزشا, تولەمدەر بيۋدجەتتىك قاراجاتتان جۇزەگە اسىرىلىپ, اسىراۋشىسىن جولعالتۋ بويىنشا الەۋمەتتىك جاردەماقىلارعا تەڭەستىرىلۋى ءتيىس. ودان باسقا, حابارسىز كەتكەن اتا-انالاردى ىزدەستىرۋ كۇنىنەن باستاپ كامەلەتتىك جاسقا تولماعان بالالارعا ۋاقىتشا قامقورشىلىق بەلگىلەۋ تۋرالى ماسەلە شەشىلمەگەن كۇيىندە قالماۋى كەرەك, سەبەبى, وسى كەزەڭ ارالىعىندا ولاردىڭ مۇددەلەرىن ءبىلدىرۋ زاڭنامالىق دەڭگەيدە رەتتەلگەن جوق. سونداي-اق, زاڭنامالىق اكتىلەردە اتا-انالاردى ىزدەستىرۋگە تەك جاقىن تۋىستارىنىڭ ءوتىنىش ءبىلدىرۋ قۇقىعىن كوزدەيتىن نورمانى عانا ەمەس, سونىمەن قاتار, اتا-انالاردىڭ قامقورلىعىنسىز قالعان بالالار مەن جەتىم بالالار مەكەمەلەرىندەگى بالالاردىڭ زاڭدى وكىلدەرىنىڭ ءوتىنىش ءبىلدىرۋ قۇقىعىن كوزدەيتىن نورمانى ەنگىزۋدى ماقساتقا سايكەس بولادى دەپ ەسەپتەيمىز.
بۇگىنگى كۇنى بالالار ۇيىنە ءتۇسەتىن بالالاردىڭ كوبىنەسە جاقىن تۋىستارى جوق نەمەسە ولار بالانىڭ ودان ارعى تاعدىرىنا قىزىعۋشىلىق ءبىلدىرمەيدى, ال اتا-انالاردىڭ قامقورلىعىنسىز قالعان بالالار مەن جەتىم بالالار ءۇشىن ءبىلىم بەرۋ ۇيىمدارى باسشىلارىنىڭ مۇنداي قۇقىقتارى جوق. سوندىقتان, ۇكىمەت جوعارىدا باياندالعانداردى ءجانە قوزعالعان ءماسەلەنىڭ ماڭىزدىلىعىن ەسكەرە وتىرىپ, وسى باستامانى ىسكە اسىرۋ ماسەلەسىن اعىمداعى زاڭنامالىق قىزمەت اياسىندا قاراستىرسا ءجون بولار ەدى.
سەرىك اقىلباي,
سەنات دەپۋتاتى
