«Kazakh Invest» - بۇل تەك قانا جاڭا اتاۋ ەمەس, سونداي-اق, بۇل تۇتاس ءبىر پاراديگمانىڭ پايدا بولۋى. ينۆەستورلار - ءبىزدىڭ باستى نازارىمىزدا. ءبىز جاڭا ينۆەستورلاردى تارتامىز, سونىمەن قوسا بۇرىنعىلارىن دا ۇمىتپايمىز. ءبىز ولارعا نە كەرەك ەكەنىن بىلەمىز, جانە ولاردىڭ ءدال وسى قازاقستاندا جۇمىس ىستەگەندەرىن قالايمىز. Kazakh Invest-ءتىڭ نەگىزگى قاعيداسى – ەشكىمگە كەدەرگى كەلتىرمەي, كومەك كورسەتۋ», - دەدى م. قاباشەۆ.
ول «Kazakh Invest» قازاقستان ۇكىمەتى اتىنان حالىقارالىق ينۆەستيتسيالىق قوعامداستىقپەن بايلانىستار ورناتىپ, ولاردى نىعايتۋ بويىنشا بىرەگەي كەلىسسوز جۇرگىزۋشى ءارى بىرىڭعاي ورتالىق رەتىندە ءىس-قيمىل جاسايتىنىن اتاپ ءوتتى.
وسىعان وراي «Kazakh Invest»-ءتىڭ باستى فۋنكتسيونالدىق مىندەتى – شەتەل ينۆەستورىنا تۇتاستاي قولداۋ كورسەتۋ, ياعني يدەيادان باستاپ, قازاقستاندا ءوندىرىس ورنىن اشىپ, ودان كەيىن ەكسپورتقا شىققانىنا دەيىن قولداۋ كورسەتۋ, وزگەشە ايتقاندا – ينۆەستيتسيالىق جوبانىڭ باستان-اياق ىسكە اسىرىلعانىنا دەيىن سۇيەمەلدەۋ جۇمىستارىن جۇرگىزۋ.
«بۇل ەل ەكونوميكاسىنا ينۆەستيتسيالار تارتۋدىڭ بارىنشا ءتيىمدى, ۇتىمدى جانە بيزنەسكە باعدارلانعان فورماتىنا اۋىسۋ دەگەندى بىلدىرەدى», - دەدى باسقارما توراعاسى.
سونىمەن قاتار, شارادا دۇنيەجۇزىلىك بانكتىڭ ينۆەستيتسيالىق احۋال ماسەلەلەرى جونىندەگى كەڭسە باسشىسى نيماك يۆان ينۆەستيتسيالار تارتۋ بويىنشا ۇلتتىق ينۆەستيتسيالىق ستراتەگيا جوباسىن تانىستىردى.
«ەكونوميكانى ءارتاراپتاندىرۋ ۇدەرىسىن جەڭىلدەتۋ ءۇشىن ينۆەستيتسيا تۇرلەرى وزگەرتىلۋى ءتيىس. ولار شيكىزاتتىق نەمەسە تابيعي رەسۋرستارعا عانا شوعىرلانباي, ينۆەستيتسيالاردىڭ باسقا تۇرلەرىنە قاراي جىلجۋى ءتيىس: ساپالى جانە ساندىق. ءبىز ەكونوميكالىق ءوسىم مەن جاڭعىرتۋدى قامتاماسىز ەتۋ ءۇشىن الدەقايدا ءتيىمدى ينۆەستيتسيالاردى ىزدەيمىز», – دەپ اتاپ ءوتتى ءوز بايانداماسىندا ن.يۆان.ونىڭ ايتۋىنشا, ينۆەستيتسيالار تارتۋ جانە ۇستاپ قالۋ بويىنشا ۇلتتىق ستراتەگيا قازاقستاندا تشي ءارتاراپتاندىرۋ جانە تيىمدىلىكتى ارتتىرۋعا باعىتتالعان قوسىمشا قۇنى جوعارى ينۆەستيتسيالار ۇلەسىن ارتتىرۋ بويىنشا جول كارتاسى بولىپ تابىلادى.
دۇنيەجۇزىلىك بانك وكىلى ستراتەگيالىق ماقساتتارعا ءوزارا بايلانىستى ءۇش ءتاسىلدى پايدالانۋ ارقىلى قول جەتكىزىلەتىنىن ايتتى: ينۆەستيتسيالاردىڭ جاڭا تۇرلەرىن تارتۋ, قازىرگى تشي-دەن تۇسەتىن پايدانى ارتتىرۋ, ستراتەگيالىق جەكەشەلەندىرۋدى جۇرگىزۋ جانە ءمجا پايدالانۋ.
ستراتەگيانىڭ باسىمدىقتارى رەتىندە ن.يۆان ءۇش باعىتتى بەلگىلەدى: ينۆەستيتسيالىق احۋالدى جاقسارتۋ بويىنشا رەفورمالار, حالىقارالىق نارىقتاردا ينۆەستيتسيالاردى ىلگەرىلەتۋ جانە جايعاستىرۋ, جەكەشەلەندىرۋ جانە ءمجا.
