قازاقستان پرەزيدەنتى جوعارى تەحنولوگيالاردى قولدانۋ ارقىلى الما ءوسىرىپ, ونى ساقتاۋمەن جانە ساتۋمەن اينالىساتىن «DALA-FRUIT.KZ» جاۋاپكەرشىلىگى شەكتەۋلى سەرىكتەستىگىنىڭ جۇمىسىمەن تانىستى.
سونداي-اق, مەملەكەت باسشىسى وبلىستىڭ الەۋمەتتىك-ەكونوميكالىق دامۋ كورسەتكىشتەرى جونىنەن حاباردار بولىپ, اۋىل شارۋاشىلىعى ونىمدەرىنىڭ كورمەسىن ارالادى.
– بۇدان 10-15 جىل بۇرىن ءوزىمىز وسىنداي الۋان ءتۇرلى ءونىم وندىرەمىز دەپ ويلاپ پا ەدىك؟ ال بۇگىن ول شىندىققا اينالدى, – دەدى ەلباسى.
سوڭىندا نۇرسۇلتان نازارباەۆ جينالعان كوپشىلىككە باق-بەرەكە تىلەپ, جوعارى وندىرىستىك كورسەتكىشتەرگە قول جەتكىزۋلەرىنە نيەتتەستىگىن ءبىلدىردى.
ايتا كەتەيىك, سەرىكتەستىك جىلىنا 8-10 مىڭ توننا الما وسىرەدى. كومپانيا ءوز جۇمىسىندا باق ءوسىرۋ سالاسىنداعى الەمدىك ۇزدىك تاجىريبەلەردى قولدانادى.
