«ارامشوپتەرمەن بيولوگيالىق ءادىس ارقىلى كۇرەسۋ جاڭا دامىپ كەلە جاتىر. بۇل ءتاسىلدىڭ بولاشاعى زور. ويتكەنى, حيميالىق ءادىس ارقىلى كۇرەسۋ ءونىمدى جانە ءتيىمدى دەپ كەڭىنەن قولدانىلعانمەن, ەكولوگيالىق تۇرعىدان, ياعني قورشاعان ورتانى قورعاۋ جاعىنان الىپ قاراعاندا ونىڭ بىرقاتار زياندى جاقتارى بار. بۇل ورايدا اگروتەحنيكالىق جانە فيتوسانيتارلىق شارالاردى ۇشتاستىرىپ جۇرگىزۋ قاجەت», – دەيدى جوبا اۆتورلارى.
جاس عالىمدار زيانكەس وسىمدىكتەردى جويۋدا اگروتەحنيكالىق, بيولوگيالىق, حيميالىق جانە وتتىق تاسىلدەردى قولدانباق. بۇل شارا جىلىجاي مەن ەگىستىك جەرلەردى ارام شوپتەردەن تۇبەگەيلى ارىلتىپ قانا قويماي, ءداندى داقىلداردىڭ ساباعى مەن تامىرىن تازالاۋعا سەپتەسەدى.
«اۋىل شارۋاشىلىعى داقىلدارىنان جوعارى جانە تۇراقتى ءونىم الۋعا باعىتتالعان جۇمىستار بارىسىندا القاپتاعى ارام شوپتەردى جويۋدىڭ ماڭىزى زور. ولار ەگىستىك دالاسىن ءبۇلدىرىپ, ونىمدەرگە وراسان زور زيان كەلتىرەدى. ارام ءشوپتىڭ قازاقستاندا 300-دەن استام ءتۇرى بار. كوپتەگەن زيانكەس وسىمدىكتەردىڭ تامىرلارى توپىراققا تەرەڭ بويلاپ وسەدى. سوندىقتان ولار تەرەڭ قاباتتا جاتقان ىلعال مەن قورەكتىك زاتتاردى جاقسى پايدالانادى. ماسەلەن, 1 گرامم تارى 250 گرامم ىلعال جۇمساسا, وسى استىق تۇقىمداسىنا جاتاتىن قاراس ۇلى سياقتى ءارامشوپ 600 گرامم ىلعالدى قاجەت ەتەدى. ياعني, ەكى جارىم ەسە كوپ. مىنە, سوندىقتان دا زيانكەس وسىمدىكتەرمەن كۇرەستى ورىستەتە بەرۋىمىز كەرەك», – دەپ اتاپ ءوتتى ستۋدەنتتەر.
ايتۋلارىنشا, جىلدىق جاۋىن-شاشىن قورىنىڭ بەستەن ءبىر بولىگى ارام شوپتەردىڭ ءوسىپ-ونۋىنە جۇمسالادى. ولار قورەكتىك زاتتاردى كوپ مولشەردە پايدالانعاندىقتان توپىراقتىڭ قۇنارلىلىعىن دا تومەندەتەدى.
عىلىمي جاڭالىق وقۋ ورنىنىڭ زەرتحانالىق كەشەنىندە تاجىريبەدەن ءوتىپ جاتىر. الداعى ۋاقىتتا وندىرىسكە ەنگىزۋ جاعى دا قاراستىرىلماق.
