ءولى يتبالىقتاردىڭ كەيبىر دەنە مۇشەلەرى تەكسەرۋ ءۇشىن الماتىداعى زەرتحاناعا جىبەرىلگەن. الايدا, ماماندار ولەكسەلەر يىستەنىپ بۇزىلىپ كەتكەندىكتەن, ناقتى بايلامعا قول جەتكىزۋگە قيىندىق تۋعىزادى, دەيدى.
«يتبلىقتاردىڭ ءولۋ سەبەبىن ءدال قازىر ايتۋ مۇمكىن ەمەس. ماماندار سۋدان جانە اۋادان سىنامالار الدى. ەگەر مۇمكىندىك بولىپ جاتسا, ءولى يتبالىقتاردىڭ تكاندەرىنە تالداۋ جاسالادى», – دەيدى ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسيا باسشىسىنىڭ ورىنباسارى ق.اشاحوۆ.
ال تاۋەلسىز ەكولوگتار مەن ماڭعىستاۋ وبلىسى بالىق شارۋاشىلىعى ءبولىمىنىڭ ماماندارى يتبالىقتاردىڭ جاپپاي ءولۋى براكونەرلىك تورلاردان بولۋى مۇمكىن دەسە, بىرەۋلەرى تابيعي ءولىم دەپ توپشىلاۋدا.
گۇلايىم شىنتەمىرقىزى,
«ەگەمەن قازاقستان»
