القالى جيىن بارىسىندا ەلباسى نۇرسۇلتان نازارباەۆتىڭ «ەگەمەن قازاقستان» گازەتىندە جاريالانعان «بولاشاققا باعدار: رۋحاني جاڭعىرۋ» اتتى ماقالاسى تالقىلاندى. زيالى قاۋىم وكىلدەرى مەملەكەت باسشىسىنىڭ وي-تولعامدارى, رۋحاني جاڭعىرۋعا قاتىستى ۇسىنىستارى ءبىرىنشى كەزەكتە جاس ۇرپاققا ارنالعاندىعىن ءتۇسىندىردى.
ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ وسىنداي شارالاردى باسقا دا وقۋ ورىندارىندا وتكىزسە ارتىق بولماس ەدى دەگەن پىكىر ءبىلدىردى. سەبەبى, بۇگىنگى جيىن سىندى ساليقالى ۇنقاتىسۋلار اعا بۋىن مەن جاس ۇرپاقتىڭ اراسىنداعى رۋحاني جاڭعىرۋدىڭ ماڭىزىن تەرەڭ تۇسىنۋگە مۇمكىندىك بەرەدى. ۇرپاقتار اراسىنداعى ساباقتاستىقتى جالعاستىرۋعا سەپتىگىن تيگىزەدى. سونداي-اق, ول جاستاردى ءوز بولاشاقتارىنىڭ يەسى رەتىندە ەلباسى ماكالاسىنداعى يدەيالاردى جۇزەگە اسىرۋعا بەلسەنە اتسالىسۋعا شاقىردى.
ابزال نۇكەنوۆ ايتىپ وتكەندەي, ۇلتتىق كودىمىزدىڭ ساقتالۋىنىڭ ءبىر كەپىلى رەتىندە ۋنيۆەرسيتەتتەر مەن ينستيتۋتتاردا, كوللەدجدەردە ۇلتتىق قۇندىلىقتار مەكتەبىنىڭ جۇمىسىن ۇيىمداستىرعان ءجون. بۇل مەكتەپ دۇنيە جۇزىندە بولىپ جاتقان, جاستار ءۇشىن پايدالى جاڭاشىلدىقتاردى ولاردىڭ ساناسىنا سىڭىرۋگە ىقپال ەتەتىن بولادى.
وقۋ ورىندارى جانىنان ۇلتتىق قۇندىلىقتار مەكتەبىن قۇرۋ تۋرالى ۇسىنىس جيىنعا قاتىسۋشىلار تاراپىنان قولداۋعا يە بولدى.
ارنۇر اسقاروۆ,
«ەگەمەن قازاقستان»
استانا
