وڭىردەگى ەتنومادەني بىرلەستىك مۇشەلەرى, قازاقستان حالقى اسسامبلەياسى كافەدرالارىنىڭ جەتەكشىلەرى, قوعامدىق كەلىسىم جانە انالار كەڭەستەرىنىڭ مۇشەلەرى قاتىسقان جيىندا ەلباسى ماقالاسىنان تۋىندايتىن ماقسات-مىندەتتەر جايىندا ايتىلدى. رەسپۋبليكالىق بىرىڭعاي كۇن اياسىندا ۇيىمداستىرىلعان شارانى وبلىس اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسىنىڭ باسشىسى تامارا امانتۋرلينا اشىپ, ماڭگىلىك ەل بولۋ جولىنداعى يگى ىستەر جاڭا بەلەستەرگە جول اشاتىنىنا توقتالدى.
عىلىمي ساراپتاما توبىنىڭ اعا ساراپشىسى سالتانات ءابىلوۆا «مەملەكەت باسشىسىنىڭ ءبىرتۇتاس ۇلت بولۋىمىز ءۇشىن بولاشاققا قالاي قادام باساتىنىمىز جانە بۇقارالىق سانانى قالاي وزگەرتەتىنىمىز تۋرالى ويى كوپتىڭ كوكەيىندە جۇرگەن ماسەلەلەردىڭ كۇرمەۋىن شەشىپ بەردى», – دەگەن پىكىرىن ورتاعا سالدى.
«ءححى عاسىرداعى ۇلتتىق سانانى جاڭعىرتۋدىڭ باستى شارتى – ۇلتتىق قۇندىلىقتى ساقتاۋ. ەگەر جاڭعىرۋ ەلدىڭ ۇلتتىق رۋحاني تامىرىنان ءنار الماسا, ول اداسۋعا باستايدى. پرەزيدەنتتىڭ بۇل يدەياسى ەلىمىزدەگى كونستيتۋتسيالىق, ەكونوميكالىق رەفورمالاردىڭ زاڭدى جالعاسى. ماقالادا جاڭا زامان كوشىنە ىلەسىپ, وركەنيەتتى ەل بولۋ ءۇشىن سانانى ساقتاۋ مەن ورىستەتۋدىڭ ناقتى جولدارى ۇسىنىلعان. كورسەتىلگەن التى جوبا جالپى حالىقتىڭ, ونىڭ ىشىندە جاستاردىڭ بويىنداعى وتانسۇيگىشتىك قاسيەتتى دامىتۋعا وڭ ىقپالىن تيگىزەرى انىق», – دەدى س.ءابىلوۆا.
باقىتگۇل باباش,
«ەگەمەن قازاقستان».
اتىراۋ.
