Smart Zholy جوباسىنىڭ شەڭبەرىندە قازاقستاندىق باعدارلاماشىلار مەن ستارتاپەرلەر حالىقارالىق كومپانيالارمەن بىرلەسىپ وزدەرىنىڭ يننوۆاتسيالىق ونىمدەرى مەن سەرۆيستەرىن قۇراي الادى. بۇل بىرەگەي باعدارلاما سانالادى.
Smart Zholy اياسىندا كونكۋرستىق نەگىزدە ىرىكتەلىپ الىنعان جاستاردىڭ 10 كومانداسى سينگاپۋردەگى ەكى اپتالىق باعدارلاما شەڭبەرىندە ءوز جوبالارىن الەمدىك دەڭگەيدەگى مەنتورلاردىڭ تىكەلەي باسشىلىعىمەن يدەياسىنان باستاپ باستاپقى ءونىمىن شىعارۋعا دەيىنگى جولدان ءوتىپ ءىرى ازيالىق كورپوراتسيالارعا ۇسىنا الادى.
قازاقستان رەسپۋبليكاسى تۇڭعىش پرەزيدەنتى - ەلباسى قورى Smart Zholy باعدارلاماسىن وڭتۇستىك ازياداعى Echelon Asia Summit جەتەكشى ستارتاپ-الاڭىمەن بىرلەسىپ ىسكە اسىرادى.
باعدارلاما ەكى كەزەڭنەن تۇرادى - ءبىرىنشىسى استانا, الماتى, قاراعاندى جانە پاۆلودار قالالارىن, ەكىنشى كەزەڭ بۇكىل ەلدى قامتيدى.
كونكۋرستىڭ قورىتىندىسى بويىنشا ءوتىنىم بەرگەن 70 كوماندانىڭ ىشىنەن 10 كوماندا ىرىكتەلىپ الىنادى. ولاردىڭ اراسىندا ۇزدىك الەمدىك جوعارى وقۋ ورىندارىنىڭ تۇلەكتەرى Princeton, UC Berkeley, Carnegie Mellon جانە باسقالارى, سونداي-اق قازاقستاندىق Nazarbayev University, قبتۋ ۋنيۆەرسيتەتتەرى جانە باسقالارى بار.
ىرىكتەلگەن كوماندالار تەلەكوممۋنيكاتسيالار, لوگيستيكا, قارجى جانە دەنساۋلىق ساقتاۋ سالاسىنداعى ءىرى كورپوراتسيالاردىڭ وتىنىمدەرى بويىنشا جوبالار ازىرلەيدى. قازاقستاندىق كوماندالار سينگاپۋرلىق ستارتاپ - ەكوجۇيەسىنىڭ ورتالىعىندا اتاقتى Block 71-دە ورنالاسادى. قاتىسۋشىلار ەلگە قايتىپ ورالعان سوڭ العان بىلىمدەرىن بولاشاق ازىرلەمەلەرىندە قولدانا الادى.
جوبانى تانىستىرۋ راسىمىنە قاتىسقان اقپارات جانە كوممۋنيكاتسيالار ءمينيسترى داۋرەن اباەۆ جاس تالانتتاردى قولداۋدىڭ ماڭىزدىلىعىنا توقتالدى.
"ەلىمىزدەگى تالانتتى جاستاردى قولداۋدا تۇڭعىش پرەزيدەنت قورى كوپ جۇمىس اتقارىپ كەلەدى. بۇگىن تۇساۋى كەسىلەتىن Smart Zholy جوباسى دا وسىنداي ماڭىزدى شارالاردىڭ ءبىرى ەكەنى انىق. بارشاڭىزعا ءمالىم, قازىرگى كۇنى ەلىمىزدە قازاقستاننىڭ ءۇشىنشى جاڭعىرۋى اياسىنداعى كەشەندى ءىس-شارالار باستالدى. ەلباسى تاپسىرماسىنا ساي, اقپارات جانە كوممۋنيكاتسيالار مينيسترلىگى دە تەحنولوگيالىق جاڭعىرتۋدى قامتاماسىز ەتەتىن جوبالاردى, ونىڭ ىشىندە «تسيفرلىق قازاقستان» مەملەكەتتىك باعدارلاماسىن ازىرلەۋدە" دەدى اباەۆ مىرزا.
بۇعان قوسا مينيستر تەحنولوگيالىق جاڭعىرتۋ ماسەلەسىندە جاستارعا ۇلكەن سەنىم ارتىلىپ وتىرعانىن ايتتى. "وسى ىرگەلى ىستەردى جۇزەگە اسىرۋدا ەلىمىز جاڭا بۋىن – جاستارعا ۇلكەن ءۇمىت ارتادى. سوندىقتان دا, Smart Zholy جوباسىنىڭ باستالۋى جاس ستارتاپەرلەرگە شىنايى قولداۋ بولاتىنى ءسوزسىز. جوباعا قاتىسۋشىلار وتاندىق يننوۆاتسيالىق ونىمدەر قاتارىن ارتتىرىپ قانا قويماي, وزىق ەلدەردىڭ اقپاراتتىق تەحنولوگيالار سالاسىنداعى تاجىريبەسىن ەل يگىلىگىنە جاراتادى دەپ سەنەمىز" دەدى مينيستر.
سونىمەن قاتار پرەزيدەنت نۇرسۇلتان نازارباەۆتىڭ جوعارى تەحنولوگيالاردىڭ جەتىسىكتەرىن قوعامنىڭ ءار سالاسىندا ءتيىمدى پايدالانۋ, تىكەلەي تاپسىرماسى تۋرالى ايتتى.
«Smart Zholy» جوباسىن ىسكە اسىرۋ جاستاردىڭ ستارتاپتارىن تەك قانا قازاقستانعا ەمەس, عالامدىق نارىققا شىعارۋ, مەملەكەت باسشىسىنىڭ جولداۋىندا قويىلعان ەكونوميكانى جەدەل جاڭعىرتۋ جانە تسيفرلىق ەكونوميكانى قۇرۋ مىندەتىن ورىنداي وتىرىپ, استانانى تەحنولوگيالىق كارتاداعى جاڭا نۇكتە رەتىندە كورسەتە ءبىلۋ بولىپ تابىلادى, - دەپ اتاپ ءوتتى قوردىڭ اتقارۋشى ديرەكتورى قانات جۇماباەۆ.
تۇساۋكەسەر شەڭبەرىندە Echelon Asia Summit (سينگاپۋر) كومپانياسىنىڭ نەگىزىن بىرلەسىپ قالاۋشىسى تەديۋس كو, booking.com (امستەردام) كومپانياسىنىڭ ينجەنەر-باعدارلاماشىسى الىبەك داتباەۆ, Method.kz باعدارلاما جاساۋ مەكتەبىنىڭ نەگىزىن قالاۋشىسى داگار داۆلەتوۆ, مالايزياداعى MultiMedia University دوكتورانتى ماعجان قايرانباي ءسوز سويلەدى. بۇدان باسقا 10 فيناليست كوماندا مۇشەلەرى تانىستىرىلدى.
«ءبىز قازاقستاندىق ستارتاپتاردى سينگاپۋردە جانە وڭتۇستىك شىعىس ازيا ەلدەرىندەگى Echelon Asia Summit سامميتتەرىندە قابىلداپ ءجۇرمىز جانە قازاقستاندىق كوماندالاردىڭ پوتەنتسيالىن جاقسى بىلەمىز. Smart Zholy - قازاقستاندىق جوبالاردىڭ سومالىق كولەمى 650 ملن ادامدى قامتيتىن الەمنىڭ ءىرى نارىعىن قامتۋداعى جاڭا دەڭگەيى», - دەپ اتاپ ءوتتى تەديۋس كو.
