جيىن بارىسىندا تەاتر باسشىسى ەرلان ءبىلال ەل يگىلىگى ءۇشىن جاسالىپ وتىرعان جوبانىڭ حالىققا ۇسىنىلۋىمەن جينالعان قاۋىمدى قۇتتىقتادى.
– ەلباسىمىز ن.ءا.نازارباەۆتىڭ «بولاشاققا باعدار: رۋحاني جاڭعىرۋ» اتتى مازمۇنى تەرەڭ ماقالاسىندا ايتىلعان رۋحاني جاڭعىرۋ مەن زاماناۋي ىلگەرىلەۋدىڭ جۇگەنىن تارتىپ ۇستاپ, ءجۇگىن قاتار كوتەرىسەتىن ازامات تاربيەلەي الۋ مەن ءبىلىمدى, جان-جاقتى ۇرپاعى بار ەلدەردىڭ كوشباسشىسى بولۋ قاي-قايسىمىزدىڭ دا كوكەيىمىزگە قونارى حاق. ەلباسىنىڭ «ماقساتقا جەتۋ ءۇشىن ءبىزدىڭ سانامىز ىسىمىزدەن وزىپ ءجۇرۋى, ياعني ودان بۇرىن جاڭعىرىپ وتىرۋى ءتيىس», «جاڭعىرۋ ەلدىڭ ۇلتتىق – رۋحاني تامىرىنان ءنار الۋى كەرەك» دەگەن سوزدەرىنىڭ استارىندا ەل مۇددەسىن باستى قۇندىلىق دەپ باعالاۋ جاتىر. ەندەشە, بۇل سۇبەلى ويدى بارلىعىمىز دا قولداۋعا ءتيىسپىز, – دەدى ەرلان ءبىلال.
تەاتردىڭ بەلدى ءارتىسى جاسۇلان بايسالبەكوۆ ماقالادا ايتىلعان ماڭىزدى ماسەلەلەرگە توقتالا كەلىپ: «تاۋەلسىز قازاقستاننىڭ كۇن سايىن قارىشتاپ دامۋى جولىنداعى باستى قاعيدالارىنىڭ بەرىكتىگى نەگىزىندە وتانىمىز تۇبەگەيلى جاڭعىرۋ مەن جاڭا مۇمكىندىكتەرگە جول اشۋعا قابىلەتتى بولىپ وتىر. بارشا قازاقستاندىق جاستار نۇرسۇلتان ءابىش ۇلىنىڭ قۇندىلىعى زور ماقالاسىنان ۇلكەن جىگەر, بولاشاققا دەگەن سەنىم الدى. ەلباسى «سىناپتاي سىرعىعان ۋاقىت ەشكىمدى كۇتىپ تۇرمايدى, جاڭعىرۋ دا تاريحتىڭ ءوزى سياقتى جالعاسا بەرەتىن پروتسەسس», دەپ جاستاردى زامان تالابىنا ساي جان-جاقتى بولۋعا ۇندەدى. ءبىز ارتىلعان ءۇمىت پەن سەنىمدى اقتاۋعا ايانباي ەڭبەك ەتۋگە دايىنبىز», دەدى.
– زامانعا ساي بولۋ, الەمدىك سانا قاعيدالارىن قالىپتاستىرۋ, دامىعان ەلدەرمەن وتانىمىزدىڭ تەرەزەسى تەڭ تۇرۋدى باستى ماقسات ەتكەن ەلباسىمىز ن.ءا.نازارباەۆتىڭ سىندارلى ساياساتى قازاقستاندىقتاردىڭ مۇددەسىنە باعىتتالعان, ۇلتتىق تاريح, بۇگىنىمىز بەن بولاشاعىمىز اراسىنداعى دانەكەرلەۋشى كوپىر ىسپەتتى. ءبىلىم سالاسى, تاربيە, وتباسى, ءار ادامنىڭ تۇلعالىق قالىپتاسۋى, ۇلتقا دەگەن شەكسىز ماحاببات قاشاندا جۇرەگىمىزدە ساقتالۋى كەرەك ەكەنى ماقالا مازمۇنىنان تىس قالماعان. اتامەكەن اۋىلىمىزدىڭ قادىر-قاسيەتىن دە ۇمىتپاۋعا شاقىرعان باستامادا ۇلتتىق بولمىسىمىزدى ساقتاۋ ماسەلەسى جان-جاقتى قامتىلۋى ءبارىمىزدى قۋانتادى, – دەدى تەاتردىڭ جاس ارتىستەرى اتىنان ءسوز العان سالتانات باقاەۆا.
ارمان وكتيابر,
«ەگەمەن قازاقستان»
الماتى
