بىزدە كوپ ۋاقىت بويى دامىعان ەلدەردىڭ قاتارىنا كىرۋ تەك ەكونوميكالىق دامۋ مەن جاڭا تەحنولوگيالار ارقىلى جۇزەگە اسادى دەگەن شولاق ءتۇسىنىك بولدى. ياعني, ءبىز باي بولساق جانە تەحنولوگيالاردى پايدالانساق, الدىڭعى قاتارلى ەلگە اينالامىز دەگەن ويعا باسىمدىلىق بەرىلىپ كەلدى. الايدا, دامۋدىڭ ەڭ ءبىرىنشى العىشارتى – بۇل مادەنيەت پەن قۇندىلىقتاردىڭ وڭتايلى وزگەرۋى. جاڭاشا ويلاۋ بولماسا, دامۋ دا بولمايتىندىعى ءبىزدىڭ جانە اينالامىزداعى كورشىلەرىمىزدىڭ تاجىريبەسى كورسەتىپ وتىر.
قازاق قوعامىندا سوڭعى 10-15 جىلدار ىشىندە كۇردەلى وزگەرىستەر ورىن الدى. ءال-اۋقاتتىڭ ارتۋى جانە قالا حالقىنىڭ كوبەيۋى جاڭاشا ويلايتىن الەۋمەتتىك توپتىڭ پايدا بولۋىنا الىپ كەلدى. ءدال وسى توپ ءۇشىن پرەزيدەنتتىڭ ماقالاسىندا ايتىلعان پراگماتيزم, باسەكەگە قابىلەتتىلىك, اشىقتىق سەكىلدى قۇندىلىقتار ماڭىزدى بولىپ تابىلادى. ولار – جاقسى ءبىلىم العان, بىرنەشە ءتىل بىلەتىن, ءوز داستۇرىمەن قاتار زاماناۋي ءومىر سالتىن ۇستاناتىن جاڭا قازاقتار بۋىنى. جانە ءبىر ەرەكشەلىك, بۇلار ەلدەگى قوعامدىق-ساياسي ومىرگە ىقپال ەتۋگە مۇددەلى بەلسەندى توپ. بيلىكتىڭ جاڭا يدەولوگيانى دامىتۋى ارقىلى ءدال وسى توپقا سۇيەنۋىنە مۇمكىندىگى بار.
قازىرگى جاھاندىق وزگەرىستەر كەزەڭىندە ءار مەملەكەت وزىندىك ۇستانىمىن قالىپتاستىرۋ ۇستىندە. ەلباسى ماقالاسىنا سۇيەنسەك, قازاقستانداعى جوعارى بيلىك پروگرەسس پەن اشىقتىق جولىن تاڭداپ وتىر. ەندىگى ماسەلە – ماقالادا ايتىلعان يدەيالاردىڭ ساياسي شىندىققا اينالۋى.
سەرىك بەيسەمباەۆ,
الەمدىك ەكونوميكا جانە ساياسات ينستيتۋتىنىڭ ساراپشىسى
