«بۇگىننەن باستاپ ءبىز سوتتىلىق انىقتاماسىن جاڭا ۇلگىدە بەرەتىن بولامىز. وعان نە سەبەپ بولدى؟ وسى كۇنگە دەيىن ازاماتتىڭ قىلمىسقا تارتىلعاندىعى تۋرالى بارلىق ءمالىمەتتى بەرگەن بولساق, ەندى اتالعان انىقتامانى سوتتىلىعى وتەلگەندىگى مەن جويىلعاندىعىن ەسەپكە الىپ, سول انىقتامانى جاڭا ۇلگىدە بەرەتىن بولامىز», دەدى باعدات مۋسين.
سپيكەردىڭ ايتۋىنشا, جاڭا ستاندارت قابىلدانعاننان كەيىن سوتتىلىعى وتەلگەن نەمەسە الىنىپ تاستالعان, ولارعا قاتىستى قىلمىستىق قۋدالاۋ توقتاتىلعان ازاماتتار «سوتتىلىعى جوق» جازباسىمەن تازا انىقتاما الاتىن بولادى.
سونداي-اق, قاعاز جۇزىندە سوتتىلىقتىڭ بولۋى نەمەسە بولماۋى تۋرالى اپوستيل قويىلعان انىقتامانى قاجەت ەتەتىن شەت ەلگە شىعاتىن تۇلعالارعا انىقتاما 22 كۇننەن 8 جۇمىس كۇنىنە دەيىن قىسقارتىلعان مەرزىممەن بىرىڭعاي قىزمەتتە بەرىلەتىن بولادى.
راۋان قايدار,
«ەگەمەن قازاقستان»
