«قازىرگى تاڭدا قاراعاندى وبلىسى مەن اقمولا وبلىسى بويىنشا سۋ تاسقىنىنىڭ جوعارى دەڭگەيى ارتتا قالدى, وسىعان بايلانىستى, وزەندەردەگى سۋ دەڭگەيى جاقىن اراداعى 2-3 كۇندە تومەندەيدى دەپ كۇتىلۋدە. قازىرگى ۋاقىتتا اقمولا وبلىسىندا تەك جاباي مەن قالقۇتان وزەندەرىندە قاۋىپتى دەڭگەي ساقتالىپ وتىر», - دەپ اتاپ ءوتتى ول.
ونىڭ سوزىنشە, قاۋىپتى جاعداي قوستاناي وبلىسىندا دا ساقتالىپ وتىر. وندا وزەن سۋلارىنىڭ دەڭگەيى ءبىر قالىپتى بولعانمەن, قار سۋى دالاعا جايىلىپ كەتىپ جاتىر.
قاراعاندى وبلىسىنداعى نۇرا وزەنىندە سۋ دەڭگەيى تۇسكەنىمەن, قاۋىپ جامانسارىسۋ وزەنىنەن شىعۋى ىقتيمال. ونىڭ ۇستىنە ماراقاند سۋ قويماسىنان اعىزىلعان ارتىق سۋ نۇرا وزەنى ارقىلى اقمولا وبلىسىنا كەتەدى.
اقتوبە وبلىسىنا كەلەتىن بولساق, وندا سۋدىڭ دەڭگەيى ەندى تومەندەي بەرەدى. كەرىسىنشە, سولتۇستىك قازاقستان وبلىسىنداعى وزەندەر دەڭگەيى كوتەرىلەدى دەپ كۇتىلۋدە. سەبەبى, اقمولا وبلىسىنان اعىزىلعان سۋ پەتروپاۆلعا بەت الادى. سول كەزدە وزەندەر ارناسىنان شىعىپ, بىرقاتار قيىندىقتار تۋىنداۋى مۇمكىن», - دەيدى ديدار جانىبەك ۇلى.
سونداي-اق, وڭتۇستىك قازاقستان, جامبىل مەن الماتى وبلىستارىنداعى وزەندەردە سۋ دەڭگەيى ارتادى.
