فوتوسۋرەتشىلەر كەزدەسۋىنە تۇركيا, قىرعىزستان, تۇرىكمەنستان, وزبەكستان, ازەربايجان, تاتارستان جانە قازاقستاننىڭ استانا, الماتى, وڭتۇستىك قازاقستان وبلىستارىنان كاسىبي 16 فوتوسۋرەتشى شاقىرىلدى.
تۇركىستان قالاسىنداعى تاريحي-مادەني ەتنوگرافيالىق ورتالىق بازاسىنداعى كەدەسۋگە قاتىسقان وبلىس اكىمىنىڭ ورىنباسارى ۇ.سادىبەكوۆ - قوعام شىندىعىن تاريحتا قالدىراتىن فوتوسۋرەتشىلەر ەكەنىن اتاپ ءوتتى.
«جالپى فوتوونەر دەگەنىمىز - فوتوسۋرەتتى نەگىزگى ويدى ءبىلدىرۋ قۇرالى رەتىندە قولداناتىن ونەردىڭ ەرەكشە ءتۇرى. سونىمەن قاتار, فوتوونەر – جۋرناليستيكانىڭ ۇشقىر سالاسى. ول – قاسقاعىم ءساتتىڭ شەجىرەسى. ەرەكشە قىراعىلىقتى, ەپتىلىك پەن قاعىلەزدىكتى تالاپ ەتەدى. كاسىبي مامان تۇسىرگەن سۋرەتتىڭ ءوزى «سويلەپ» تۇرادى. بۇگىندە تاقىرىپتى ءبىر كادرمەن-اق اشاتىن, توسىن ءساتتى قاعىپ ءتۇسىپ, ادامنىڭ بولمىسىن قاسقاعىم ساتتىك بەينە ارقىلى اشاتىن شەبەرلەر از دەسەك, سولاردىڭ بىرەگەيلەرى – بۇگىنگى كەزدەسۋدە جينالىپ وتىر»,-دەدى ۇ.سادىبەكوۆ.
فوتوسۋرەتشىلەر 4 شىعارمىشىلىق توپقا ءبولىنىپ, وڭتۇستىك ءوڭىرىنىڭ بارلىق اۋداندارى مەن قالالارىندا, تاريحي-مادەني ەسكەرتكىش ورىندارىندا جۇمىس ىستەدى. اتاپ ايتساق, ءى توپ تۇركىستان, كەنتاۋ, وتىرار, قاراتاۋ قورىعى ايماقتارىندا, ءىى توپ سارىاعاش, قازىعۇرت, جەتىساي اۋداندارى مەن قالالارىندا, ءىىى توپ سوزاق, بايدىبەك, ءىV توپ تۇلكىباس, تولە بي, سايرام اۋداندارىندا شىعارماشىلىق فوتو جۇمىستارمەن اينالىستى. تۇسىرىلگەن فوتوسۋرەتتەردەن ارنايى كورمەگە 100 دانا جۇمىستار قويىلدى.
