كابۋل قالاسىندا «KAZAKH INVEST» ۇلتتىق كومپانياسى مەن اۋعانستانداعى قازاقستان ەلشىلىگىنىڭ ۇيىتقى بولۋىمەن قازاقستاندىق تاۋارلار مەن قىزمەتتەردى وندىرۋشىلەردىڭ ەكىنشى ساۋدا ميسسياسى ءوتتى. مۇنداي العاشقى ءىس-شارا 2013 جىلى وتكەن بولاتىن, ناتيجەسىندە اۋعانستان نارىعىنا جالپى سوماسى 27 ملن. اقش دوللارى بولاتىن قازاقستاندىق ونىمدەردى (ماي ونىمدەرى, ۇن, ترانسفورماتور) جەتكىزۋگە ۋاعدالاسقان بولاتىن.
بۇل ساۋدا ميسسياسى بينەس-فورۋم فورماتىندا وتكىزىلدى, وعان ازىق-ت ۇلىك جانە قۇرىلىس ماتەريالدارىن وندىرەتىن 11 وتاندىق ءوندىرۋشى-كاسىپورىن جانە 90-نان استام اۋعان كومپانياسى قاتىستى.
قازاقستان بيزنەسىنىڭ ساۋدا ميسسياسىنا قازاقستانمەن ءوزارا ءتيىمدى ىنتىماقتاستىقتى ۇسىنۋعا دايىن اۋعان تارابى اسا جوعارى قىزىعۋشىلىق تانىتتى. اۋعانستاننىڭ ساۋدا-ونەركاسىپتىك پالاتاسىنىڭ وكىلدەرى قازاقستاندىق ونىمدەردىڭ ساپاسىنا جوعارى باعا بەردى جانە جەرگىلىكتى نارىقتا ۇسىنىلعان تاۋارلارعا دەگەن سۇرانىستىڭ بولاتىندىعىن راستادى.«اۋعانستان نارىعىن ءبىزدىڭ ەكسپورتشىلار ءۇشىن پەرسپەكتيۆالى باعدار دەپ ەسەپتەيمىز. توقساندىق نەگىزدە مۇندا ەكسپورتقا مۇددەلىك تانىتقان وتاندىق وندىرۋشىلەردى باعىتتاۋدى جوسپارلاپ وتىرمىز. قازاقستاننىڭ اۋعانستانداعى ەلشىلىگى مەن اۋعانستاننىڭ ساۋدا-ونەركاسىپتىك پالاتاسىنىڭ قولداۋىمەن قازاقستاننان ونىمدەر ساتىپ الۋعا مۇددەلىك تانىتقان اۋعان كومپانيالارىمەن كەلىسوزدەردى ۇيىمداستىرۋعا دايىنبىز», - دەپ اتاپ ءوتتى «KAZAKH INVEST» ۇلتتىق كومپانياسىنىڭ باسقارۋشى ديرەكتورى اسقار ارىنوۆ.ءوز كەزەگىندە ساۋدا ميسسياسىنا قاتىسۋشى قازاقستاندىق وندىرۋشىلەر وزدەرى شىعارعان تاۋارلار مەن قىزمەتتەردىڭ ەكسپورتتىق ىلگەرلەۋى ءۇشىن مەملەكەتتىك قولداۋدىڭ قاجەتتىلىگىن جانە ماڭىزدى شارالاردىڭ ءبىر ەكەندىگىن اتاپ ايتتى. «Elif Chemicals» جشس ديرەكتورى الماس رىسقاليەۆتىڭ ايتۋىنشا, وسى بيزنەس-فورۋم شەڭبەرىندە ءبىزدىڭ كومپانيامەن ىنتىماقتاستىققا جوعارى قىزىعۋشىلىق تانىتىپ وتىرعان اۋعاندىق سەرىكتەستەرمەن جەمىستى ىسكەرلىك كەلىسسوزدەر جاسالدى. باستاپقى كەزەڭدە ايىنا 2 ۆاگون گيپسوكارتون جانە وڭدەۋ ونىمدەرىن جەتكىزۋ تۋرالى كەلىسىمگە قول جەتكىزىلدى.
اۋعانستانمەن ساۋدا قاتىناستارىن دامىتۋ بويىنشا ءىس-شارالار جالعاسادى - 20 ماۋسىمدا الماتى قالاسىندا «Supplier Workshop» فورماتىندا بيزنەس-سەمينار وتكىزۋ جوسپارلانىپ وتىر. ءىس-شارا اياسىندا قازاقستاندىق وندىرۋشىلەرمەن گۋمانيتارلىق ۇيىمدارعا ونىمدەرىن قامتاماسىز ەتەتىن اۋعان كومپانيالارمەن بىرقاتار ەكىجاقتى كەزدەسۋلەر وتەدى.
قازاقستان مەن اۋعانستان اراسىنداعى تاۋار اينالىمى بىلتىر 489,4 ملن. اقش دوللارىنا جەتتى, بۇل 2015 جىلمەن سالىستىرعاندا 30,7%-عا ارتىق.
primeminister.kz
