ارنايى باسسەيىندەردە جىبەرىلگەن بالىق رەسەيدەن اكەلىنگەن. بۇگىندە 100 مىڭعا جۋىق شاباعى بار شارۋاشىلىقتا بالىقتارعا قاجەتتى جاعدايلاردىڭ بارلىعى جاسالعان. ماسەلەن, ولارعا ارنايى جەم دايىندالىپ, قورەكتەندىلەدى. سونىمەن قاتار, سۋدىڭ تەمپەراتۋراسىن بىرقالىپتى ساقتاۋ ءۇشىن باسسەيىندەرگە ارنايى جىلۋ جۇيەسى ورناتىلعان.
ارنايى كۇتىپ باپتالىپ وسىرىلگەن ءبىر بالىقتىڭ ءوزى 120 كەلىگە دەيىن ەت بەرەدى. جەرسىنبەي ءوسىپ كەلە جاتقان افريكا جايىنىن تولە بي اۋدانى مەن تۇركىستان, شىمكەنت قالاسىنىڭ تۇرعىندارى سۇرانىس ءبىلدىرىپ, ساتىپ العان. شارۋاشىلىقتىڭ نەگىزگى ماقساتى شاباقتاردى قولدان كوبەيتىپ, وبلىس حالقىن ەرەكشە بالىق ەتىمەن قامتاماسىز ەتۋ.
شارۋاشىلىق يەسىنىڭ ايتۋىنشا, سوم جايلى مالىمەتتى ينتەرنەتتەن وقىپ, ءتىپتى رەسەي بالىقشىلارىنان تاجىريبە الماسقان. الداعى ۋاقىتتا شارۋاشىلىق مەملەكەتتەن بەرىلەتىن نەسيەگە قول جەتكىزىپ, شارۋاشىلىق جۇمىسىن ارى قاراي دامىتۋدى جوسپارلاپ وتىر.
جالپى تۇلكىباس اۋدانىندا بۇرىندارى تەڭىزدىڭ اششى سۋىندا وسەتىن بەكىرە مەن فورەل بالىقتارىن وسىرسە, ەندى مىنە افريكالىق سوم ءوسىرۋدى قولعا الىپ وتىر.
