اتاپ ايتقاندا, ەكى ەلدىڭ پرەزيدەنتتەرى قازاقستان مەن تۇركىمەنستان اراسىنداعى ستراتەگيالىق ارىپتەستىك تۋرالى كەلىسىمدى, سونداي-اق قازاق-تۇركىمەن مەملەكەتتىك شەكاراسىن شەگەندەۋ تۋرالى شارتتى راسىمدەدى. ال ۇكىمەتتەر دەڭگەيىندە عىلىمي-تەxنيكالىق, ەكونوميكالىق جانە مادەني-گۋمانيتارلىق ماسەلەلەر بويىنشا ۇكىمەتارالىق كوميسسيا تۋرالى كەلىسىمگە, ۇكىمەتتەر اراسىنداعى قۇپيا اقپاراتتاردى ءوزارا قورعاۋ تۋرالى شارتقا, سىرتقى ىستەر مينيسترلىكتەرىنىڭ ىنتىماقتاستىق باعدارلاماسىنا, قارجى مينيسترلىكتەرى اراسىنداعى قىلمىستىق جولمەن الىنعان كىرىستەردى زاڭداستىرۋعا جانە تەرروريزمدى قارجىلاندىرۋعا قارسى ءىس-قيمىل سالاسىنداعى ءوزارا ارەكەتتەستىك تۋرالى كەلىسىمگە, استانا مەن اشxاباد اراسىندا باۋىرلاستىق تۋرالى كەلىسىمگە, سونداي-اق ەكى ەلدىڭ كاسىپكەرلىك پالاتالارى اراسىنداعى ىنتىماقتاستىق تۋرالى شارتقا قول قويىلدى.
"بۇگىندە قازاقستان مەن تۇركىمەنستان ورتالىق ازياداعى باۋىرلاس ءارى كورشىلەس ارىپتەستەر بولىپ تابىلادى. بارلىق باستى باعىتتار بويىنشا جوعارى دەڭگەيدە ءوزارا تۇسىنىستىككە قول جەتكىزدىك, سىنداردى ديالوگ وتكىزدىك. ارامىزدا ورتاق ءتيىمدى شەشىم تابىلماعان بىردە-ءبىر تۇيتكىلدى ماسەلە جوق, ءتۇرلى وڭىرلىك جانە xالىقارالىق ۇيىمدار اراسىندا تابىستى ءىس-قيمىل جاساپ كەلەمىز. ءبىزدىڭ وتىن, ەنەرگەتيكا, كولىك پەن ترانزيت سالالارىندا ەكونوميكالىق ىنتىماقتاستىعىمىز قارقىندى دامۋدا", - دەپ اتاپ كورسەتتى ەلباسى نۇرسۇلتان نازارباەۆ.
