ونى جۇزەگە اسىرۋ ءۇشىن ءبىر ميلليارد تەڭگەدەن استام قارجى كەرەك. جوبا اياسىندا ساياباقتىڭ باتىس بولىگى اباتتاندىرىلادى. 2017 جىلى قالالىق بيۋدجەتتەن ءبىرىنشى كەزەڭگە 486 ملن تەڭگە ءبولىندى.
جۇمىستاردى ماۋسىم ايىندا باستاۋ جوسپارلانعان. بايقاۋدىڭ قورىتىندىسى بويىنشا مەردىگەر انىقتالادى. ءبىرىنشى كەزەڭدە گازاليەۆ كوشەسىنەن ەرجانوۆ كوشەسىنە شىعاتىن شاعىن كولگە دەيىنگى گۇلباقتى اباتتاندىرۋ قاراستىرىلعان. جۇگىرۋمەن جانە ۆەلوسيپەد سپورتىنا اۋەس جاندارعا جاڭا جولدار جاسالماق. جوباعا وسى ايماقتى جارىقتاندىرۋ مەن كوگالداندىرۋ كىرەدى. كاسىپكەرلەرگە اتتراكتسيوندار مەن جىلدام تاماقتانۋ دۇڭگىرشەكتەرى ءۇشىن ورىندار ۇسىنىلادى.
«مەنىڭشە, قالالىقتار ساياباقتىڭ باتىس بولىگىن دامىتۋ جونىندەگى باستامانى باعالايدى. بۇل بىزگە ۇلكەن رەكرەاتسيالىق ايماق قۇرۋعا مۇمكىندىك بەرەدى. ءبىزدىڭ پاركتى جاقسارتۋ ءۇشىن ينۆەستورلار تارتامىز», - دەدى قاراعاندى اكىمى نۇرلان اۋباكىروۆ.
