2016 جىلدىڭ كۇزىنەن بەرى قازاقستاندىق نارىقتا SAUMAL® ساۋدا ماركاسىمەن فۋنكتسيونالدى تاماق ءونىمى – قۇرعاق بيە ءسۇتى پايدا بولدى. «ەۋرازياينۆەست» كومپانياسى ەكى جىلدان بەرى قازاقستان نارىعىندا جاڭا ءونىمدى ءساتتى تۇردە ساۋداعا شىعارىپ وتىر. SAUMAL® – بىرەگەي, 100 پايىز تابيعي, ديەتالىق جانە ساۋىقتىرۋشى ءونىم. ول – سۋبليماتسيا پروتسەسىنەن وتكەن, بىراق پايدالى قاسيەتتەرىن ساقتاپ قالعان جاڭا ساۋىلعان بيە ءسۇتى. SAUMAL® قۇرعاق بيە ءسۇتى فۋنكتسيونالدى تاماق ءونىمى رەتىندە ءدارى نەمەسە بيولوگيالىق بەلسەندى قوسپا بولىپ سانالمايدى. ونى ۇزاق ۋاقىت بويى ىشۋگە بولادى, ەشقانداي جاناما كەرى اسەرى جوق, اعزاعا زيانىن تيگىزبەيدى.
فۋنكتسيونالدى تاماق ءونىمدەرىن قاراپايىم تاماقتان ەرەكشەلەيتىن باستى دۇنيە – ولاردىڭ دەنساۋلىقتى جاقسارتۋعا, اۋرۋلاردىڭ الدىن الۋعا, كەيدە, ءتىپتى جازىلىپ كەتۋگە سەبەپشى بولۋى. كونسەرۆانتتار جانە باسقا قوسپالار قوسىلماعان تولىقتاي تابيعي ءونىم بولا تۇرا SAUMAL® جوعارى بيولوگيالىق بەلسەندىلىككە يە, بۇل ونىڭ فۋنكتسيونالدى تاماققا جاتاتىنىن ءدالەلدەيدى. قۇرعاق بيە سۇتىنە امين قىشقىلدارى, مايلار, فەرمەنتتەر, ميكروەلەمەنتتەر جانە ءدارۋمەندەر سەكىلدى ادام اعزاسىنا قاجەت, دۇرىس كولەمدەگى 40-تاي بيولوگيالىق كومپونەنت كىرەدى.
باۋىر اۋرۋلارىنىڭ الدىن الۋ جانە ەمدەۋدەن كەيىنگى كەزەڭدەردە SAUMAL® ءونىمىنىڭ وڭ ىقپال ەتەتىنى راستالىپ وتىر. باكتەرياعا, قابىنۋعا قارسى كۇرەستە, يممۋنيتەتتىڭ قالىپتاسىپ, كۇشەيۋىنە كومەكتەسەدى. بيە ءسۇتىن تۇتىنۋشىلاردىڭ كوپتەگەن پىكىرى ونىڭ اسقازان-ىشەك جولدارىن ەمدەۋدە ءتيىمدى ەكەنىن دالەلدەيدى. ونىمدەگى انتيوكسيدانتتار جۇرەك-قان تامىرلارى اۋرۋلارىنىڭ پايدا بولۋ ىقتيمالدىلىعىن ءتومەندەتەدى. «قاجەت كولەمدەگى ءدارۋمەن-مينەرالدى قۇرامى اعزاعا قاڭقانىڭ قاتايۋىنا كومەكتەسەدى, ال كومىرسۋلار راتسيوننىڭ ەنەرگيالىق سىيىمدىلىعىن ارتتىرادى, بۇل دەنەگە كۇش تۇسكەندە, سونداي-اق ەندى ءوسىپ-جەتىلىپ كەلە جاتقان بالالار اعزاسى ءۇشىن وڭ اسەرىن بەرەدى», دەيدى «ەۆرازيا ينۆەست Ltd» ديرەكتورىنىڭ ورىنباسارى عالىمجان مەيرامبەكوۆ.
ايتپاقشى, «ەۋرازيا ينۆەست ltd» – 2015 جىلى جۇزەگە اسقان ءىرى كولەمدەگى قۇرعاق بيە ءسۇتىن ءوندىرۋ بويىنشا قازاقستانداعى بىرەگەي جوبانىڭ جالعىز باسقارۋشى كومپانياسى. جوبا بويىنشا كومپانيا اكتيۆىندە جىل بويى جەكە جەم-ءشوپ قورىن جيناۋعا مۇمكىندىك بەرەتىن 25 000 گەكتار جايىلىم جەرى بار. 1500-دەن استام بيە تاۋلىگىنە 4 000 ليترگە دەيىن ءسۇت الىپ, ءوڭدەۋگە, وسىلايشا جىلىنا 40 تونناعا دەيىن جوعارى ساپالى سۋبليماتسيالانعان بيە ءسۇتىن وندىرۋگە مۇمكىندىك بەرەدى. نەمىس تەحنولوگياسىن ەنگىزۋ ءوندىرىس كولەمى بويىنشا جوعارى كورسەتكىشتەرگە قول جەتكىزۋگە, سونداي-اق شىعارىلاتىن ءونىم ساپاسىنىڭ جوعارى دەڭگەيىن باقىلاپ وتىرۋعا جول اشقان.
راۋان قايدار,
«ەگەمەن قازاقستان»
