ۇيىم وكىلىمەن كەزدەستى

ورتسايلاۋكوم توراعاسى كەزدەسۋگە قاتىسۋشىلاردى ور­تالىق سايلاۋ كوميسسياسىندا جانە ەلدىڭ سايلاۋ ورگاندارىندا جۇزەگە اسىرىلىپ جاتقان جۇمىستارمەن تانىستىردى. بۇل جۇمىستىڭ نەگىزگى باعىتتارى – ساي­لاۋ زاڭناماسىن ودان ءارى جەتىل­دىرۋ جانە وسى جىلى وتە­تىن قازاقستان رەسپۋبليكاسى پار­لا­مەنتى سەناتى  دەپۋتات­تارى­­نىڭ الداعى كەزەكتى سايلاۋىنا دايىندىق.

ەقىۇ باعدارلاماسىنىڭ استانا قالاسىنداعى ءوفيسىنىڭ باس­شىسى ءوز كەزەگىندە توراعاعا كەز­­دەسۋدى ۇيىمداستىرعانى ءۇشىن العىس ايتىپ, ودان ءارى جە­مىس­تى ىنتىماقتاستىققا سەنىم ءبىلدىردى.

كەزدەسۋدە, سونداي-اق, ورت­ساي­لاۋكوم مۇشەلەرىنىڭ 2017 جىلعى مامىردا ۆارشاۆاداعى ەقىۇ/دياقب شتاب-پاتەرىنە ەقىۇ/دياقب ۇسىنىمدارىن ورىنداۋ مارتەبەسىنە قاتىستى بارۋىن ۇيىمداستىرۋ, قازاندا حالىق­ارالىق كونفەرەنتسيا ءوت­كىزۋ جانە قاراشادا حالىق­ارا­لىق بايقاۋشىلارعا ارنالعان جىل سايىنعى سەمينار-ترەنينگ ۇيىمداستىرۋعا بايلانىستى ماسەلەلەر تالقىلاندى.

سونىمەن قاتار, كەزدەسۋ با­رى­سىندا ورتالىق سايلاۋ كو­ميسسياسى مەن ەقىۇ-نىڭ سايلاۋ زاڭنامالارىن دامىتۋ مەن جەتىلدىرۋ, قازاقستان رەسپۋبليكاسىندا سايلاۋ پروتسەسىن دەموكراتيالاندىرۋ سالاسىنداعى ىنتىماقتاستىق باعىتتارىن ودان ءارى ىلگەرىلەتۋ جايى تالقىلاندى. كەزدەسۋ سوڭىندا تاراپتار ءداستۇرلى سەرىكتەستىك پەن ىنتىماقتاستىق قارىم-قاتىناستار كەلەشەكتە دە ءوزىنىڭ جالعاسىن تاباتىنىنا سەنىم ءبىلدىردى.