ەكسپو قاۋىپسىزدىگىن قامتاماسىز ەتۋ − باستى نازاردا

وتىرىس بارىسىندا قاۋىپ­سىزدىكتى قامتاماسىز ەتۋگە جا­ۋاپتى مەملەكەتتىك ورگانداردىڭ باسشىلارى جۇزەگە اسىرىلىپ جاتقان جۇمىستار تۋرالى ەسەپ بەردى.

قوعامدىق ءتارتىپ كۇزەتى مەن قاۋىپسىزدىكتى قامتاماسىز ەتىپ, تۋىندايتىن ماسەلەلەردى شەشىپ, جەدەل باسقارۋ ءۇشىن بىرقاتار شارالار كەشەنى قابىلدانىپ, ارنايى, قۇقىق قورعاۋ جانە وزگە دە مەملەكەتتىك ورگاندار مەن ۇيىمداردىڭ باسشىلارى ىشىنەن جەدەل شتاب پەن جۇمىس توبى قۇرىلدى.  

ەكسپو-2017 اۋماعىندا پوليتسيا بولىمشەسى مەن كورمەگە جاقىن ماڭدا ءورت ءسوندىرۋ ءبو­لىم­شەسى اشىلدى. كورمەنىڭ اشىل­ۋىنان ءبىر اي بۇرىن قاۋىپسىزدىكتى قامتاماسىز ەتۋ ورتالىعى جۇمىسىن باستايدى.

جالپى, قوعامدىق ءتارتىپ كۇزە­تىنە 9 مىڭنان استام قۇقىق قورعاۋ قىزمەتكەرلەرى جۇمىل­دى­رىلادى. سونىمەن قاتار, كور­مە كەشەنىنە كىرەبەرىستەر مەتال­­دى-

دەتەكتورلارمەن, رەنت­گەن-تەلە­ۆيزيا قوندىر­عى­لارىمەن جاب­دىق­تالعان. وسى جەردە بەينەسا­راپ­تاما, كەسكىن-كەلبەتتى  انىق­تاۋ جانە كەلۋشىلەردى تىركەۋ جۇيەسى قولدانىلادى.

قارجى مينيسترلىگىنىڭ مەم­لەكەتتىك كىرىستەر كوميتەتىمەن بىرلەسە وتىرىپ, كورمە كەشەنىنە اكەلىنگەن بارلىق جۇك پەن تاۋارلاردى ءموبيلدى ينسپەكتسيالىق-تەكسەرۋ كەشەندەرىنىڭ كومەگىمەن تەكسەرۋ جۇمىستارى جۇرگىزىلۋدە.

كورمە نىساندارىندا با­قى­لاۋ جۇرگىزىپ, جەدەل ارەكەت ەتۋ ماق­ساتىندا 2 مىڭنان استام بەي­نە­باقىلاۋ كامەرالارى ورنا­تىلعان, ول استانا قالاسى ءىىد-ءنىڭ جەدەل باسقارۋ ورتالىعىنا قوسىلعان.

ەكسپو-2017 حالىقارالىق مامانداندىرىلعان كورمەسىنىڭ 2017 جىلدىڭ 10 ماۋسىمى مەن 10 قىركۇيەگى ارالىعىندا ءوت­كى­­زى­لەتىنى بەلگىلى. «استانا ەكسپو-2017» ۇك» اق باس­قار­ما توراعا­سى احمەتجان ەسى­موۆ ەكسپو-نىڭ نەگىزگى نىسانى −  حالىق­ارالىق پاۆيلوننىڭ پاي­دا­لانۋعا بەرىلگە­نىن مالىمدەدى. 125 ەل مەن 21 حا­لىقارالىق ۇيىم كور­مەگە قاتى­سات­ىنىن راستادى. 88 ەل جۇمىسقا كىرى­سىپ كەتكەن, ال تاعى 13 مەملەكەت الداعى اپتادا كىرىسەتىن بولادى.  

ۆەدومستۆوارالىق كوميسسيا وتىرىسىن قورىتىندىلاي كەلە, پرەمەر-ءمينيستردىڭ ءبى­رىنشى ورىنباسارى ا.مامين ەكسپو-2017 حالىقارالىق ما­مانداندىرىلعان كورمەسىن وتكىزۋ بويىنشا ۇلكەن دايىندىق جانە ۇيىمداستىرۋشىلىق جۇ­مىس­تارىنىڭ جۇرگىزىلىپ جاتقا­نىن اتاپ ءوتتى. سونىمەن قاتار, كورمە قوناقتارى مەن قاتىسۋ­شى­لارىنىڭ قاۋىپسىزدىگىن قامتا­ماسىز ەتۋ باستى نازاردا ەكەنىن ايتتى.

ا.مامين ەكسپو-2017 كور­مە­سىنىڭ اۋماعىنداعى قۇقىق پەن قاۋىپسىزدىكتى قامتاماسىز ەتۋ قىزمەتتەرمەن تانىستى. ول جا­ڭا مامانداندىرىلعان ءورت ءسون­دىرۋ بولىمىندە, «ەسىل» اۋدانى ءىىب-ءنىڭ پوليتسيا بولىمىندە جانە لوگيستيكا ورتالىعى مەن  قاۋىپ­سىزدىكتى قامتاماسىز ەتۋ ورتا­لىعىندا بولدى.