سوناۋ ءحVىى عاسىردىڭ باسىندا جازىلعان بۇل پەسا الەمنىڭ جۇزدەگەن تىلىنە اۋدارىلىپ, تالاي ساحنادا قويىلدى. ءبىز جاس رەجيسسەردىڭ نەلىكتەن بۇل كلاسسيكانى تاڭداعانىن سۇرادىق.
– ءار تەاتردىڭ, ءار رەجيسسەردىڭ ءوز گاملەتى بار. عاسىرلار بويى ءجۇرىپ كەلە جاتقان بۇل قويىلىم ەشقاشان تۇعىردان تۇسپەيدى. ءوزىم وسى «گاملەت» شىعارماسىن 14 جاسىمدا مەكتەپ كىتاپحاناسىنان الىپ وقىعان ەدىم. سول كەزدەن-اق جانىما جاقىن بولىپ كەتتى. پەسا وقيعاسىنان, وندا جازىلعان جاعدايلاردان مەن ءوز ومىرىمە الدەبىر ۇقساستىق تاۋىپ الا بەرەتىنمىن. كوپتەن ويلانىپ, قويسام دەپ جۇرگەن دۇنيەنىڭ ءساتى بۇگىن ءتۇستى, – دەيدى جىگەر مىرزاليەۆ.
ايتا كەتۋ كەرەك, كورەرمەن قاۋىم ورالدىق «گاملەتتى» وتە جىلى قابىلدادى. پرەمەرا ەكى كۇن قاتار وتسە دە انشلاگ بولدى. اكتەرلاردىڭ ءساتتى ويىنى, قويۋشى سۋرەتشى قايىر ورازعاليەۆتىڭ قيالىنان تۋعان قىزىل-جاسىلدى كوستيۋمدەر وقيعانىڭ ءمانىن ودان ءارى بايىتتى.
– تەاتر الەمىنە ءتورت عاسىر بويى تەمىرقازىق بولعان «گاملەتتى» تەاترىمىز ابىرويمەن الىپ شىقتى! باستى رولدەگى جىلقىباي جۇباتوۆ دات حانزاداسىن كورەرمەن ءوز ورتاسىنان شىققان ادامداي قابىلدادى. جاس ءəرتىستىڭ الىسۋ-ج ۇلىسۋعا, جۇدىرىقتاسۋعا ەپتىلىگى دە, ايقاس ۇستىندە قانجار مەن قارۋدى مەڭگەرۋى دە ءسۇيسىنتتى. تاجىريبەلى اكتەر ەربول ەسەندوسوۆ كلاۆدي كورولدى جىلپوس, ارامدىعىن ىشكە بۇككەن زىميان قالىپتا شەبەر سومدادى. گەرترۋدا كورولەۆا رولىندەگى باقىتگۇل جاقىپوۆا دا سولاي, – دەيدى قويىلىمنان العان اسەرىمەن
بولىسكەن كورەرمەن دينارا قىدىربايقىزى.
باتىس قازاقستان وبلىستىق قازاق دراما تەاترى بۇدان بۇرىن شەكسپيردىڭ «گاملەتىنەن» دە كونە شىعارما – ەۆريپيدتىڭ «ترويا ارۋلارى» تراگەدياسىن ءساتتى سومداعان ەدى. بۇل قويىلىم حالىقارالىق «بوسپورسكيە اگونى-2015» جانە «ستوبي-2016» فەستيۆالىندە گران-پري, «ۇزدىك رەجيسسۋرا», «ۇزدىك ايەل ءرولى» اتالىمدارىن جەڭىپ العان. بەلگىلى اقىن, تاجىريبەلى اكتەر قۋانىش اماندىقوۆ باسقارىپ وتىرعان تەاتر ۇجىمى 2016 جىلى عانا كورەرمەنگە 11 پرەمەرا ۇسىندى.
قازبەك قۇتتىمۇرات ۇلى,
«ەگەمەن قازاقستان»
ورال
