پارتيا فيليالىنىڭ رەسەيلىك «ماڭگىلىك پولك» جوباسىنىڭ بالاماسى سەكىلدى بۇل اكتسياسىندا جەڭىس مەرەكەسىنە ءبىر اي قالعاندا جۇرتشىلىققا حابارلاندىرۋ بەرىپ, ۇلى وتان سوعىسىنا قاتىسقان, مايدان دالاسىندا ەرلىكپەن قازا تاپقان جەرلەستەردىڭ سۋرەتتەرىن جينايدى.
«مايدانگەرلەردىڭ نەمەرە, شوبەرەلەرى اتالارىنىڭ پورترەتتەرىن اكەلىپ, پارتيا فيليالىنا تاپسىرادى. ءبىز ولاردىڭ كوشىرمەسىن الىپ, ۇلكەيتىپ, وعان اتى-ءجونىن, تۋعان, قازا تاپقان جىلدارىن جازىپ, پورترەت جاساتامىز. وسىعان كەتەتىن قارجىنىڭ بارلىعىن «نۇر وتان» پارتياسىنىڭ وبلىستىق فيليالى وزىنە الادى» دەدى فيليالدىڭ ساياسي جۇمىستار ءبولىمىنىڭ مەڭگەرۋشىسى ولجاس دۇيسەكوۆ.
قوستانايلىقتار بۇل اكتسيانى قايىرىمدىلىعى بار, قاسيەتتى ءىس دەپ ءبىلىپ, بەلسەنە قاتىسادى. ءتىپتى قازىر پارتيا فيليالىنىڭ ۆولونتەرلەرى جانە الەۋمەتتىك قىزمەتكەرلەر جۇرە الماي, ۇيدە وتىرىپ قالعان سوعىس ارداگەرلەرىنىڭ دە پورترەتتەرىن جاساتىپ, مەرەكە كۇنى قالا كوشەلەرىنەن ساپ تۇزەپ ءجۇرىپ وتەتىن شەرۋگە الىپ شىعاتىن بولادى.
ولجاس دۇيسەكوۆتىڭ ايتۋىنشا, قازىرگە دەيىن پارتيا فيليالى ءبىر مىڭعا جۋىق قوستانايلىق مايدانگەرلەر پورتەتىن جاساتىپتى.
ءنازيرا جارىمبەتوۆا,
«ەگەمەن قازاقستان»
قوستاناي
