- العاش جەتكىزىلگەن ماتەريالدىڭ ساراپتاماسى شىقتى. ءىرى قارا پاستەرەللەز اۋرۋىنان ولگەن. وسى اپتانىڭ سوڭىنا ءدايىن باسقا مالدىڭ دا ءولۋ سەبەبى بەلگىلى بولادى, - دەدى باتىس قازاقستان وبلىستىق ۆەتەرينارلىق باسقارماسىنىڭ باسشىسى قازبەك ءتاشىموۆ.
باسقارما باسشىسىنىڭ ايتۋىنشا, قوسكول اۋىلدىق وكرۋگىندە كۇنى بۇگىنگە دەيىن 6 ءىرى قارا, 20 بۇزاۋ, 12 قوي-ەشكى, 23 قوزى-لاق ولگەن.
- قوسكولگە ارناۋلى ۆەتەريناريالىق توپ جىبەرىلەدى. مال اۋرۋىنا بايلانىستى ارنايى شەكتەۋ ەنگىزىلەدى, وكرۋگ اۋماعىنان ءبىر دە ءبىر مالدى سىرتقا شىعارۋعا, ىشكە الىپ كىرۋگە تىيىم سالىنادى. بۇل ۋاقىتشا, 14 كۇندىك شارا. اۋرۋ وشاقتارىندا ءتيىستى دەزينفەكتسيالاۋ جۇمىستارى جاسالعان سوڭ شەكتەۋ الىنادى,- دەدى قازبەك ءتاشىموۆ.
دەگەنمەن, اتالعان ەلدى مەكەننەن حابارلاسقان تۇرعىندار جۇقپالى اۋرۋدان قىرىلعان مال سانى الدەقايدا كوپ ەكەندىگىن ايتادى.
قازبەك قۇتتىمۇرات ۇلى,
«ەگەمەن قازاقستان»
ورال
