اتالمىش حالىقارالىق جارىس ەلىمىزدىڭ جاس سپورتشىلارىنا ءوز شەبەرلىكتەرىن شىڭداپ, الەمدىك سپورتتىق ارەنالاردا بيىك بەلەستەرگە جەتۋگە مۇمكىندىك بەرەدى. ازيا دزيۋدو وداعىنىڭ كۇنتىزبەسىنە سايكەس وتكىزىلگەلى وتىرعان ءدۇبىرلى دوداعا شەتەلدەن 500-گە جۋىق سپورتشىلار 8 سالماق دارەجەسىندە (ەرلەر: -55, -60 كگ, -66 كگ, -73 كگ, -81 كگ, -90 كگ, -100 كگ, +100 كگ; ايەلدەر: -44, -48كگ, -52كگ, -57كگ, -63كگ, -70كگ, -78كگ, +78كگ) قاتىسادى.
قازاقستان قۇراماسىنان بۇل سىنعا كادەتتەر اراسىنداعى الەم چەمپيونى ايبولات ىستىباەۆ, ازيا چەمپيونى دامير بولاتبەكوۆ, قىزداردان ازيا چەمپيوندارى پەريزات قادىربەكوۆا, اقمارال ناۋاتبەك, كاميلا بەرلىكاش جانە نۇرسۇلۋ ەراليەۆا ازيا چەمپيوناتىڭ جۇلدەگەرلەرى نارىنوۆا ءمولدىر مەن جارمانوۆا نۇرجامال سىندى ەلىمىزدىڭ ماقتان تۇتار جاس سپورتشىلارى قاتىسادى.
سونداي-اق, ازيا دزيۋدو وداعىنىڭ باس حاتشىسى مۋكەش كۋمار مەن ازيا دزيۋدو وداعىنىڭ سپورت جونىندەگى ديرەكتورى چە كۋونگ حون كەلەتىنىن راستادى.
جارىس «حالىق-ارەنا» مۇز سارايىندا كۇن سايىن ساعات 10.00-دە باستالادى.
ۇيىمداستىرۋشىلار: سپjرتتىق جەكپە-جەك جانە كۇش قولداناتىن سپورت تۇرلەرى كونفەدەراتسياسى, الماتى قالاسى اكىمدىگى, قر مادەنيەت جانە سپورت مينيسترلىگى, قازاقستان دزيۋدو فەدەراتسياسى.
