«اقپارات تەكسەرىلدى. ۇستالعانداردىڭ قاتارىندا قازاقستاندىقتار جوق», - دەپ اتاپ ءوتتى قر ءسىم ءباسپاسوز قىزمەتى.
بۇنىڭ الدىندا حابارلانعانداي, 5 ساۋىردە رەسەيدىڭ فەدەرالدىق قاۋىپسىزدىك قىزمەتى, ىشكى ىستەر مينيسترلىگى مەن رەسەي گۆاردياسىنىڭ ارنايى قىزمەتى جەدەل-ىزدەستىرۋ شاراسى كەزىندە رەسەيگە جۇمىس ىستەۋگە كەلگەن ورتالىق ازيا مەملەكەتتەرىنىڭ 6 ازاماتىن قۇرىقتادى.
تەرگەۋ نۇسقاسى بويىنشا, ولار 2015 جىلدان بەرى تەرروريستىك باعىتتاعى قىلمىستار جاساۋ ماقساتىندا «دجەبحات ان-نۋسرا» مەن «يسلام مەملەكەتى» لاڭكەستىك ۇيىمدارىنا ورتالىق ازيادان شىققان ازاماتتاردى رەسەيگە تارتۋمەن اينالىسقان.
سونىمەن قاتار, كۇدىكتىلەر ادامداردى وزگە دە مەملەكەتتەرگە قارۋلى قاقتىعىستارعا جىبەرۋ ماقساتىندا تارتۋى ىقتيمال. كۇدىكتىلەردىڭ تۇرعىلىقتى مەكەنجايلارىن ءتىنتۋ جۇمىستارى جۇرگىزىلۋدە. ونىڭ بارىسىندا ەكسترەميستىك سيپاتتاعى ادەبيەتتەر تابىلدى.
«ولاردىڭ بارلىق بايلانىستارى تەكسەرىلەتىن بولادى. قازىرگى تاڭدا ۇستالعانداردىڭ سانكت-پەتەربۋرگتەگى تەراكتىنى جاساعان ازاماتپەن اراداعى تانىستىعى بولعانى تۋرالى دەرەكتەر جوق», - دەلىنگەن رف-ءتىڭ تەرگەۋ كوميتەتىنىڭ حابارلاماسىندا.
