مۇندا مەكتەپ وقۋشىلارى مەن بولاشاق پەداگوگتارعا يننوۆاتسيالىق تەحنولوگيالاردى زەردەلەۋگە ارنالعان ساباقتار مەن عىلىمي-زەرتتەۋ جۇمىستارى جۇرگىزىلەدى.
«پەداگوگ – ءوز ءپانىن تەرەڭ مەڭگەرگەن, عىلىم مەن ونەردىڭ ءتيىستى سالالارىنان حاباردار, وقىتۋ مەن تاربيەنىڭ ادىستەمەسىن جەتىك يگەرگەن مامان بولۋى كەرەك. XXI عاسىر – قاتاڭ باسەكە عاسىرى. بۇگىندە الەمدىك باسەكەلەستىكتىڭ جىلدام دامۋىنا ىلەسە الاتىنداي ءبىلىمدى دە تاپقىر دارا تۇلعانىڭ تاعدىرى ءبىزدىڭ جاڭاشىل ۇستازداردىڭ قولىنا تاپسىرىلىپ وتىر. بىلىكتى ۇستاز دايىنداۋ – مەملەكەت دامۋىن قامتاماسىز ەتەتىن نەگىزگى رەسۋرس ەكەندىگىن باسا ايتقىم كەلەدى. شەبەر پەداگوگ ءبىلىمدى, تاجىريبەسى مول, جان-جاقتى بولا وتىرىپ, وقۋشىلاردى جەكە تۇلعا ەتىپ قالىپتاستىرۋ ماقساتىندا ءبىلىم مەن تاربيەنى ۇشتاستىرا الۋى قاجەت. ورتالىق وسى مىندەتتەردى نەگىزگە الا وتىرىپ قىزمەت ەتەدى», – دەدى ينستيتۋت رەكتورى داريا قوجامجاروۆا.
مۇندا عىلىمي-زەرتتەۋ جۇمىستارى, وقۋ-ادىستەمەلىك جۇمىستارى جانە تاجىريبە-ەكسپەريمەنتتىك جۇمىستارى باعىتتارى بويىنشا جۇمىس اتقارىلماق. پەداگوگيكالىق شەبەرلىك ورتالىعى جالپى پەداگوگيكا جانە پسيحولوگيا كافەدراسىنىڭ ۇيىتقى بولۋىمەن اشىلىپ وتىر.
