1.ەگىن ەگۋ جانە جيناۋ جۇمىستارىن جۇرگىزۋگە جاسالاتىن مەملەكەتتىك قولداۋ دەگەنىمىز نە؟
«قازاگروقارجى» اق اۋىل شارۋاشىلىعىنداعى باستى پروبلەمالاردىڭ ءبىرى – ەگىن ەگۋ, ەگىن جيناۋ جۇمىستارىنا جانە ماۋسىمارالىق جۇمىستارعا قاجەتتى تەحنيكالىق پاركتى, سونداي-اق باسقا دا مامانداندىرىلعان جابدىقتاردى جاڭارتۋ پروبلەماسىن شەشۋدە اگرارشىلارعا قولداۋ كورسەتەدى. قازىرگى تاڭدا قازاقستانعا بۇكىل اۋىل شارۋاشىلىعى ماشينالارىنىڭ جارتسىنان كوبى «قازاگروقارجى» كومپانياسىنىڭ قارجىلاي قولداۋىنىڭ ارقاسىندا اكەلىنگەن. تەك قانا وتكەن جىلدىڭ وزىندە-اق كومپانيا جالپى سوماسى 50 ميللياردتان استام تەڭگەگە 3 000 بىرلىكتەن ارتىق تەحنيكانى ساتىپ الۋدى قارجىلاندىرعان.
2.كوكتەمگى ەگىس ناۋقانىنا اۋىل شارۋاشىلىعى تەحنيكاسىن قايدان جانە قانداي تالاپتاردا الۋعا بولادى؟
ليزينگ نەگىزىندە تەحنيكا مەن جابدىقتاردى ساتىپ الۋ مۇمكىندىكتەرى جونىندە تولىعىراق ءبىلۋ ءۇشىن, «قازاگروقارجى» اق ورتالىق وفيسىنا, نە بولماسا ونىڭ بۇكىل قازاقستان بويىنشا فيليالدارىنا بارۋىڭىزعا بولادى.
كرەديت مەنەدجەرلەرى قولدانىستاعى تالاپتار, مەرزىمدەرى, سىياقى مولشەرلەمەلەرى سياقتى قىزىقتىراتىن بارلىق ماسەلەلەر بويىنشا سىزگە كەڭەس بەرەدى, قارجى ليزينگىسىنە تەحنيكا/جابدىق الۋ ءۇشىن جيناۋعا قاجەتتى قۇجاتتار تىزبەسىن ۇسىنادى.
وتكەن جىلدىڭ اياعىنان باستاپ اۋىل شارۋاشىلىعى تەحنيكاسى مەن جابدىقتاردىڭ ليزينگىسىنە ارنالعان سىياقى مولشەرلەمەسى جىلدىق 19%-دان 17,3% دەيىن تومەندەتىلگەنىن اتاپ وتكەن ءجون. قارجىلاندىرۋ مەرزىمى – 10 جىلعا دەيىن, اۆانستىق تولەمى – تەحنيكا قۇنىنىڭ 15% باستالادى. سونىمەن بىرگە, تولەمدەردى وتەۋگە 1 جىلعا دەيىن جەڭىلدىكتى كەزەڭ الۋ مۇمكىندىگى بار.
بۇنىمەن قاتار, «قازاگروقارجى» اق تەحنيكانى «بەلارۋستا جاسالعان» باعدارلاماسى بويىنشا قارجىلاندىرۋدى جالعاستىرۋدا. اتالمىش باعدارلاما بويىنشا بەلارۋس رەسپۋبليكاسىنىڭ ۇكىمەتى ليزينگ شارتى جاسالاتىن ساتكە قازاقستاندا قولدانىستاعى قايتا قارجىلاندىرۋ مولشەرلەمەسىنىڭ 2/3 بولىگىن وتەيدى. بۇل باعدارلاما قازاقستاندىق سۋبسيديالاردى دا الۋ مۇمكىندىگىن جوققا شىعارمايدى.
كومپانيا ارنايى قارجىلاندىرۋ باعدارلامالارىن دا ىسكە اسىرادى: «ەكسپرەس-ليزينگ» باعدارلاماسى – وتىنىمدەردىڭ جەدەلدەتىلىپ قارالۋىن كوزدەيدى, «ەگىنجاي» باعدارلاماسى – تەحنيكانى العاشقى ليزينگتىك تولەم تولەنەرگە دەيىن الۋ مۇمكىندىگىن بەرەدى, «قايتالاما ليزينگ» – بۇرىن پايدالانۋدا بولعان تەحنيكانىڭ ليزينگى.
تولىق اقپاراتتى كومپانيانىڭ سايتىنان تابا الاسىز www.kaf.kz.
3.ليزينگكە تەحنيكا الۋعا كىم ءوتىنىم بەرە الادى, ول ءۇشىن قانداي كريتەريلەرگە ساي كەلۋ كەرەك؟
قوعامنىڭ ساياساتىنا سايكەس, جاعىمدى ىسكەرلىك بەدەلى, كرەديتتىك تاريحى, بىلىكتى قىزمەتكەرلەرى بار اگروونەركاسىپتىك كەشەننىڭ سۋبەكتىسى بولىپ تابىلاتىن جەكە جانە زاڭدى تۇلعالار قارجىلاندىرىلادى. جوبا قوعامنىڭ جارعىلىق ماقساتتارىنا لايىقتى بولۋعا, سونداي-اق ونىڭ بولجامدى تولەۋ قابىلەتتىلىگى, رەنتابەلدىلىگى مەن قارجىلاندىرۋ مەرزىمىمەن سالىستىرۋعا كەلەتىن وتەلۋ مەرزىمى بولۋعا ءتيىستى.
4.بيىلعى جىلعى تەحنيكا ساتىپ الۋدى قارجىلاندىرۋ تالاپتارىنىڭ وتكەن جىلعى تالاپتاردان ايىرماشىلىعى نەدە؟
وتكەن 2016 جىلعى قارجىلاندىرۋ تالاپتارىمەن سالىستىرعاندا, اعىمداعى جىلى بيۋدجەتتەن تىس كوزدەر بويىنشا سىياقى مولشەرلەمەسى جىلدىق 19%-دان 17,3% دەيىن تومەندەتىلدى. ءبىز اۋىل شارۋاشىلىعى تاۋار وندىرۋشىلەرىنىڭ جۇكتەمەسىن بارىنشا ازايتۋعا تىرىسامىز. وسىعان بايلانىستى, 2017 جىلعى 1 اقپاننان باستاپ 2016 جىلى جاسالعان بارلىق ليزينگ شارتتارى بويىنشا سىياقى مولشەرلەمەسى 19%-دان 17,3% دەيىن تومەندەتىلدى.
سونىمەن قاتار, 2017 جىلى بيزنەس-پروتسەستەردى وڭتايلاندىرۋ ءىس-شارالارى جۇرگىزىلدى, سولاردىڭ ارقاسىندا: 1) ليزينگ بويىنشا وتىنىمدەردى قاراۋ مەرزىمى 8 جۇمىس كۇنىنە قىسقارتىلىپ, 18 جۇمىس كۇن بولدى (تۇزەتۋدى ەسەپكە الماعاندا). 2) ءوتىنىش پەن ساۋالنامانى ەسەپكە العاندا, شەشىم قابىلداۋ ساتىسىندا قارىز الۋشىنىڭ تاپسىراتىن قۇجاتتارىنىڭ ەڭ از پاكەتى 9 (توعىزعا) دەيىن قىسقارتىلدى. بۇرىن 12 قۇجات بولعان.
5.كىشىگىرىم فەرمەر شارۋاشىلىقتارىنا جانە كرەديت الۋعا العاش رەت ءوتىنىش تاپسىرىپ وتىرعان تۇلعالارعا تەحنيكا مەن جابدىقتى قالاي الۋعا بولادى؟
ەگەر وتىنىشكەر ءۇشىن بەلگىلەنگەن كريتەريلەرگە ساي كەلىپ, قۇجاتتاردىڭ تولىق پاكەتى تاپسىرىلعان جاعدايدا, قوعام قانداي دا ءبىر شەكتەۋسىز, اگروونەركاسىپتىك كەشەننىڭ بارلىق سۋبەكتىلەرىن قارجىلاندىرادى.
6.ەگەر كەپىلگە سالاتىن مۇلكى جەتكىلىكسىز بولسا, فەرمەر نە ىستەۋى كەرەك؟
ليزينگكە تەحنيكا مەن جابدىق بەرۋ كەزىندە كەپىل قاجەت ەمەس. ال تەحنيكا مەن جابدىق مونتاجدى قاجەت ەتەتىن جاعدايلاردا عيماراتتار (ۇيمەرەتتەر) ورنالاساتىن جەر تەلىمدەرىمەن قوسا, ليزينگ زاتىنىڭ مونتاجى جۇزەگە اسىرىلاتىن عيمارات (ۇيمەرەت) كەپىلزات بولىپ تابىلادى.
